گه‌ڕان

Shadow Shadow
سیاسه‌تی

فەڕەنسا هۆشداری بە تورکیا دەدات

هەڕەشەیەک لە فەڕەنساوە بۆ تورکیا

2020.11.21 - 18:01
هەڕەشەیەک لە فەڕەنساوە بۆ تورکیا

ناس کورد-

وەزیری بازرگانیی فەرەنسا هۆشداریدایە تورکیا لەسەپاندی سزا بەسەریدا لەلایەن وڵاتانی یەکێتی ئەوروپاوە، ئەوەش بەهۆی بەردەوامبوونی لە پەیڕەوکردنی ڕەفتار و سیاسەتی  نابەجێی لە پرسی ناکۆکییەکانی  قەرەباخ و باکوریی ئەفریقیا و خۆرهەڵاتی دەریای ناوەڕاست.

 

بەگوێرەی هەواڵێکی ئاژانسی "فرانس پریس کە "ناس کورد"  بەدواداچوونی بۆ کردووە، ( 21ی تشرینی دووەمی 2020)  فرانک ریستەر، وەزیری بازرگانیی فەرەنسا لە میانەی دیمانەیەکدا ڕایگەیاند: " تورکیا ڕۆڵی خراپ دەگێڕێت لە زیانگەیاندن بە بەرژەوەندییەکانی فەرەنسا و هەوڵی ئەوە دەدات وتارەکەی ماکرۆن بەکاربهێنیت بۆ ئەو مەبەستە".

 

وەزیری بازرگانیی فەڕەنسا لە دیمانەکەدا داوای لە ڕەجب تەیب ئەردۆگان، سەرۆکۆماری تورکیای کردووە، سیاسەت و ڕەفتارە چەوتەکانی وڵاتەکەی لە خۆرهەڵاتی دەریای ناوەڕاست و باکوریی ئەفریقیا بگۆڕێت و چیدی دەست نەخاتە کاروباری ئەو ناوچانە".

 

ئاماژەی بەوەشکردووە: " تورکیا پرسی کۆچکردن بۆ ئەوروپای کردووەتە کارتی فشار و هەڕەشە لە وڵاتانی ئەوروپا دەکات کە دەرگای ئەوروپا بە ڕووی کۆچبەراندا واڵا دەکات، لەسەر ئەو پەتە بەشێوەیەکی زۆر ناشرین یاریی دەکات".

 

وەزیری بازرگانیی فەرەنسا ئەوەشی وتووە: " لە ئێستادا ئەنجومەنی ئەوروپی تاوتوێی ئەوە دەکات بەچ شێوازێک مامەڵە لە گەڵ تورکیادا بکات لەوبارەیەوە، تاوتویی ئەوە دەکەین فشارەکان لەسەر ئەو وڵاتە زیاد بکەین،  بەتایبەتی دوای دەستێوەردانی زەقی تورکیا لە پرسی قەرباخ، ئەم بۆچوونەش تەنها بۆچوونی فەرەنسا نییە، بەڵکو بۆچوونی هەموو ئەوروپایە".