گه‌ڕان

Shadow Shadow
سیاسه‌تی

وادەى کۆتایی بارانى بەخوڕ

بارانى ئەمساڵ ئاستى ساڵى رابردووى تێپەڕاند

2020.11.21 - 16:56
بارانى ئەمساڵ ئاستى ساڵى رابردووى تێپەڕاند

ناس کورد-

 

بەڕێوەبەری کەشناسی و بومەلەرزەزانی سلیمانی رایگەیاند، بارانى ئەمساڵ نزیکبووەتەوە لە ئاستى دوو هێندەى باران بارینى ساڵى رابردوو.

 

ئاسۆ کەمال (21ی تشرینی دووەمی 2020) بە "ناس کورد"ی راگەیاند، ئەمڕۆ ئاسمان هەور دەبێت و بارانبارین بەردەوام دەبێت کاریگەری ئەم شەپۆلەش تا درەنگانی شەو بەردەوام دەبێت و رۆژی یەک شەممە، کەش و هەوا تا رادەیەک ئاسایی دەبێتەوە.

 

وتیشى "بەڵام لە کاتەکانی بەیانی رۆژی یەک شەممە بەهۆی بوونی رێژەیەکی زۆر شێ لە هەوادا و تارادەیەک دابەزینی پلەکانی گەرما، ئەگەری دروستبوونی تەم هەیە تا کاتەکانی پیش نیوەڕۆ".

 

ئاسۆ کەمال باسی لەوەشکرد، کۆی گشتی بارانبارین تا ئەم ساتە گەیشتووەتە 122.5 ملم لەکاتێکدا ساڵی پار تا ئەم کاتە 72.2 ملم باریبوو.

 

بەڕێوەبەری کەشناسی و بومەلەرزەزانی سلیمانی داواشیکرد، ئەوانەی لە سنورەکانی دەرەوەی شارن لەکاتی بوونی لافاو دور بکەونەوە لەو ناوچانەی رێڕەوی چەم و دۆڵەکان، چونکە مەترسی لەسەر ئەو ناوچانە هەیە ئاستی ئاوی تێدا بەرزببێتەوە.