گه‌ڕان

Shadow Shadow
سیاسه‌تی

وردەکاری بزانە

ئەو کوڕەی بەغدا دەستگیرکرا کە نۆ ژنی بە تەڵاقداندا

2020.11.21 - 15:13
ئەو کوڕەی بەغدا دەستگیرکرا کە نۆ ژنی بە تەڵاقداندا

ناس کورد-

وەزارەتى ناوخۆى عێراق دەستگیرکردنى کەسێکى ڕاگەیاند کە لەڕێگەى فیڵ و تەڵەکە لە تۆڕە کۆمەڵایەتیەکانەوە نۆ ئافرەتى بە تەقڵادان داوە.

 

لە لێدوانێکيدا کە ناس کورد بەدواداچوونى بۆ کردووە، لیوا خالید مەحنا، وتەبێژى وەزارەتى ناوخۆى عێراق (21ى تشرینى دووەمى 2020) ڕایگەیاندووە، کەسێک لەشارى بەغدا دەستگیرکراوە کە هەستاوە بەئەنجامدانى تاوان لەڕێگەى تۆڕە کۆمەڵایەتیەکانەوە و لەمیانەى پڕۆسەى لێکۆڵینەوەدا دەرکەوتووە ئەو کەسە فێڵ و تەڵەکەى لە ئافرەتان کردووە و دواتر هەڕەشەى ئاشکراکردنى نهێنیى لێکردوون و بەوهۆیەشەوە نۆ ئافرەت تەڵاقدراون.

 

زیاتر بخوێنەوە: ’’سێکسی ئەلیکترۆنی’’ لە کوردستان.. پسپۆڕێک وردەکاریی دەخاتەڕوو

 

ئاماژەى بۆ ئەوەش کردووە، ئەو جۆرە کارانە مەترسى تاوانە ئەلیکترۆنییەکان لەکاتى خراپ بەکارهێنانیدا دەسەلەمێنێت و ئەوەش پێویستى بەپڕۆژەیەکى نیشتیمانى هەیە بۆ بەرەنگاربوونەوەى.

 

ماوەیەکە لەسەر ئاستى هەرێمى کوردستان و عێراقیش لەلایەن شارەزایانى یاسایى و کۆمەڵناسان و پیاوانى ئایینەوە هۆشدارى ئەوە دەدرێت تاوان و کێشە کۆمەڵایەتیەکان لەوانە جیابونەوەى هاوسەران بەهۆى تۆڕە کۆمەڵایەتیەکانەوە ڕووى لەهەڵشکان کردووە.