گه‌ڕان

Shadow Shadow
سیاسه‌تی

هۆکارەکەى بزانە

هۆڵەندا هێزێکی تایبەت ڕەوانەى هەرێمی کوردستان دەکات

2020.11.21 - 09:17
هۆڵەندا هێزێکی تایبەت ڕەوانەى هەرێمی کوردستان دەکات

ناس کورد-

هۆڵەندا نزیکەى 100 بۆ 150 سەرباز دەنیرێتە هەولێری پایتەختی هەرێمی کوردستان بۆ پاراستن و مەشقپێکردنی هێزی پاسەوانی فڕۆکەخانەى نێودەوڵەتی هەولێر، بڕیارە سەرەتای کانونی دووەمی ساڵی داهاتوو بەشێکی بگات. 

 

وەزارەتی بەرگریی هۆڵەندا لە ڕاگەیەنراوێکدا کە ناس کور بەدواداچوونی بۆ کردووە (21ی تشرینی دووەمی 2020) دەڵێت، ئەو هێزەی ڕەوانەى هەرێمی کوردستان دەکرێت بۆ پاراستنی ئاسایشی فڕۆکەخانەى هەولێرە."

 

دەشڵێت، "لەدوای مەشقپێکردنی پێشمەرگە، هاوپەیمانی نێودەوڵەتی دژی داعش ئاڕاستەى کاری خۆی گۆڕی بۆ ڕاوێژکاری هێزە ناوخۆییەکانی ناوچەکە، ئەو ئەرکەش لەژێر فەرماندەیی هۆڵەندا دەبێت و دەمانەوێت عێراق خۆی شەری ڕێکخراوی تیرۆرستی داعش بکات."

 

باسی لەوەشکردووە، هێزە سەربازییەکەى هۆڵەندا لەگەڵ هێزەکانی ئەمریکا پێکەوە سەرباز و کەلوپەلەکان دەپارێزن، پێدەچێت یەکەم سەربازی هۆڵەندی لە سەرەتای مانگی کانونی دووەمی ساڵی داهاتوو بگاتە هەرێم."