گه‌ڕان

Shadow Shadow
سیاسه‌تی

ڕێکارى یاسایى دەگیرێتەبەر

بڕیارێک لە لیژنە هاوبەشەکانى قایمقامیەتى سلێمانییەوە

2020.11.20 - 23:01
بڕیارێک لە لیژنە هاوبەشەکانى قایمقامیەتى سلێمانییەوە

ناس کورد-

لیژنە هاوبەشەکانى قایمقامیەتى سلێمانى راگەیەندراوێکى بڵاوکردەوە و تیایدا ئامادەکردنى قیمەى قەدەغە کرد.

 

لە راگەیەندراوەکەى لیژنە هاوبەشەکانى قایمقامیەتى سلێمانى کە وێنەیەکى دەست "ناس کورد" کەوتووە (20ى تشرینى دووەمى 2020) ئاماژە بەوە کراوە، وەزارەتی کشتوکاڵ ئامادەکردنی قیمە قەدەغەدەکات و لە سبەینێوە لیژنەکان رێکاری یاسایی توند بەرامبەر سەرپێچیکاران دەگرنەبەر.

 

بەگوێرەى راگەیەندراوەکە، بەبڕیاری وەزارەتی کشتوکاڵ و سەرچاوەکانی ئاو، کە ئاراستەی هەرسێ پارێزگای سلێمانی، هەولێر و دهۆک کراوە دەڵێت؛ لەکارگەکانی بەرهەمهێنانی قیمەی ئامادەکراو، قیمەکردن قەدەغە دەکرێت، پێویستە لە دوکانی گۆشتفرۆشەکانیشدا ئەو کاتەی کڕیار داوا دەکات قیمەی بۆ ئامادەبکرێت.

 

ئەوەش رونکراوەتەوە، لە (2020.11.21)لیژنە هاوبەشەکانی قائیمقامیەتی سلێمانی رێکاری یاسایی توند بەرامبەر بەو شوێنانە دەگرنەبەر پابەندی بڕیارەکە نابن.

 

ئاماژە بەوەش کراوە، بەپێی رێنماییەکانی ڤێتێرنەری و تەندروستی کاتێک گۆشت دەکرێت بەقیمە، روبەری گۆشتەکە  فراوانتر دەبێت کە یاریدەدەرە بۆ زوو خراپبون،  بۆیە پێویستە چەند خولەکێک پێش بەکارهێنان گۆشتەکە قیمە بکرێت.