گه‌ڕان

Shadow Shadow
سیاسه‌تی

زانیارى زیاتر

كەسایەتییەكی بارزانی بە کۆرۆنا کۆچى دوایى کرد

2020.11.20 - 20:41
كەسایەتییەكی بارزانی بە کۆرۆنا کۆچى دوایى کرد

ناس کورد-

بەڕێوەبەرى تەندروستى بارزان و ئامۆزاى مەسعود بارزانى، سەرۆکى پارتى دیموکراتى کوردستان بە ڤایرۆسى کۆرۆنا کۆچى دوایى کرد.

 

لە پەیامێکیدا مەسعود بارزانى، سەرۆکى پارتى دیموکراتى کوردستان کە لە هەژمارى بارەگاى بارزانى بڵاوکراوەتەوە و "ناس کورد" بەدواداچوونى بۆ کردووە (20ى تشرینى دووەمى 2020) ئاماژە بەوە کراوە "بە هەموو خەڵكی كوردستان و گشت خزم و كەسوكارمان ڕادەگەیێنین كە ئەمڕۆ هەینی 20ـی تشرینی دووەمی 2020، بە داخێكی زۆرەوە شێخ مەحموود شێخ عەبدوڵڵا بارزانیی ئامۆزامان و كەسایەتیی دەڤەری بارزان، بە هۆی نەخۆشیی كۆرۆنا كۆچی دوایی كردووە.

 

لە پەیامەکەدا بارزانى هیوای شیفا بۆ هەموو نەخۆشەكان دەخوازێت و ئاماژە بەوە دەکات بەهۆی نەخۆشیی كۆرۆنا و لەبەر پاراستنی سەلامەتیی خەڵك، پرسە دانانرێت.

 

پێشتر بەڕێوەبەرایەتی گشتی تەندروستی هەولێر لە راگەیەندراوێکدا هەواڵى کۆچى دوایى بەڕێوەبەرى تەندروستى بارزانى، بڵاوکردەوە.  

  

لە راگەیەندراوەکەى بەڕێوەبەرایەتی گشتی تەندروستی هەولێر کە "ناس کورد" بینیوویەتى (20ى تشرینى دووەمى 2020) ئاماژە بەوە کراوە، زۆر بەداخەوە کەمێک پێش ئێستا بەڕێز (مەحمود شێخ عەبدوڵا بارزانی) بەرێوەبەری بەرێوەبەرایەتی تەندروستی بارزان بە ڤایرۆسی کۆرۆنا کۆچی دواییکرد.  

  

بەگوێرەى راگەیەندراوەکە، ناوبراو لەماوەکانی ڕابردوو خزمەتێکی بەرچاوی دەڤەری بارزانی کردبوو لە ڕووی پێشکەشکردنی باشترین خزمەتگوزاری تەندروستی.  

  

مەحمود شێخ عەبدوڵا بارزانی براى شێخ خەڵات بارزانی نوێنەری مەسعود بارزانى سەرۆکى پارتى دیموکراتى کوردستانە لە دەڤەرى بارزان.