گه‌ڕان

Shadow Shadow
سیاسه‌تی

ڕووسیا ’’سیخوڕێکی’’ بەتۆمەتی ناردنی زانیاری سەربازیی بۆ ئەمریکا سزادا

2020.11.20 - 15:50
ڕووسیا ’’سیخوڕێکی’’ بەتۆمەتی ناردنی زانیاری سەربازیی بۆ ئەمریکا سزادا

ناس کورد-

دەزگای ئاسایشی فیدراڵیی روسیا ڕایگەیاند، بەتۆمەتی سیخوڕیکردن بۆ دەزگای هەواڵگریی ئەمەریکا، کارمەندێکی فەرماندەیی کەشتیگەلی باکوریی ڕوسیایان دەستگیرکردووە، ئاماژەی بەوەشکردووە، کارمەندەکە شێوازی هێما ئەلکترۆنییەکانی کەشتیگەلییەکەی کۆپی کردووە و هەوڵی داوە بێدات بە ئەمەریکییەکان، بۆیە بە 13 ساڵ زیندانیکردن سزادراوە.

 

بەگوێرەی هەواڵێکی ئاژانسی "ڕۆیتەرز" کە (هەینی 20ی تشرینی دووەمی 2020) بڵاوکراوەتەوە و "ناس کورد" بەدواداچوونی بۆ کردووە: "ئەمڕۆ هەینی دادگایەکی ڕوسیا بەتۆمەتی سیخوڕیکردن بۆ دەزگای هەواڵگریی ئەمەریکا، کارمەندێکی فەرماندەیی کەشتیگەلی باکوری ڕوسیای بە 13 ساڵ زیندانیکردن سزا داوە".

 

ئاماژە بەوەشکراوە: " یوری ئیشینکۆ، کە لەبەشی هیما ئەلکترۆنییەکانی کەشتیگەلی باکوری ڕوسیا کاریکردووە لە ساڵی 2019 هەوڵی داوە کۆپییەکی هێما ئەلکترونییەکانی کەشتیگەلییەکە ڕادەستی دەزگای هەواڵگریی ئەمەریکا بکات".

 

ئەوەش هاتووە: "یوری، بەتۆمەتی سیخوری و ناپاکی لە وڵات، لەلایەن دادگاوە سزادراوە، ناوبراو لەمانگی تەموزی ساڵی ڕابردوودا هەوڵی داوە زانیارییەکان ڕادەستی دەزگای هەواڵگریی ئەمەریکا بکات، بەڵام لە بۆسەیەکی دەزگەکەدا دەستگیرکراوە".