گه‌ڕان

Shadow Shadow
سیاسه‌تی

بۆ دانانی پەیماننامەیەک

ماكرۆن 15 ڕۆژ مۆڵەت دەداتە بەرپرسانی ڕێكخراوە ئیسلامییەكانی فەڕەنسا

2020.11.19 - 19:04
ماكرۆن 15 ڕۆژ مۆڵەت دەداتە بەرپرسانی ڕێكخراوە ئیسلامییەكانی فەڕەنسا

ناس کورد-

سەرۆکى فەرەنسا 15 ڕۆژ مۆڵەت دەداتە بەرپرسانی ڕێكخراوە ئیسلامییەكانی ئەو وڵاتە کە "پەیماننامەى بەهاکانى کۆماریى" دابنێن، بەشێوەیەک تێیدا هاتبێت کە ئیسلام ئایینە نەک جوڵانەوەیەکى سیاسى.

 

ئاژانسى فرانس پرێس (19ى تشرینى دووەمى 2020) بڵاویکردوەتەوە، ئیمانوێڵ ماکرۆنی سەرۆکى فەرەنسا لەگەڵ بەرپرسانى ئایینى ئیسلام لە فەرەنسا کۆبووەتەوە و "هێڵە گشتییەکانی پێکهێنانى ئەنجومەنى نیشتمانى ئیمامەکان"ـیان پێشکەش کردوە کە پێشتر خۆى داواى لێکردبوون.



ڕونیشکراوەتەوە، ماکرۆن داواى لێکردون لە ماوەى 15 ڕۆژدا "پەیماننامەى بەهاکانى کۆماریى" پێشکەش بکەن و ئەنجومەنى فەرەنسى بۆ ئایینى ئیسلام و نۆ یەکێتیەکە پابەندبن پێیەوە.



ماکرۆن داواى ئەوەشى لێکردون کە پێویستە لە پەیماننامەکەدا دان بە بەهاکانى کۆمارى فەرەنسادا نرابێت و ئەوەى تێدا دیارى کرابێت کە ئیسلام ئایینە نەک جوڵانەوەیەکى سیاسى، هەروەها باس لەوەبکات کە کۆتایى بە دەستوەردان و پابەندبون بە دەوڵەتانى بیانیەوە بهێنرێت.



بەپێى زانیاریەکانی ئەو ئاژانسە، لە کۆبونەوەکەدا سەرۆکى ئەنجومەنى فەرەنسى بۆ ئایینى ئیسلام و عەمیدى مزگەوتى پاریس و نوێنەرى نۆ یەکێتیەکە کە بۆ ئایینى ئیسلام پێکهێنراوە بەشداربوون.