گه‌ڕان

Shadow Shadow
سیاسه‌تی

باس لە موزایەدەکردن دەکات 

فراکسیۆنی نەوەی نوێ: ئیمزامان ناخەینە پاڵ ئیمزای یەکێتی

2020.11.19 - 13:55
فراکسیۆنی نەوەی نوێ: ئیمزامان ناخەینە پاڵ ئیمزای یەکێتی

ناس کورد- 

فراکسیۆنی نەوەی نوێ لە پەرلەمانی کوردستان چەند تێبینیەک لەسەر یاداشتی تایبەت بە گرێبەستی 50 ساڵەی نەوت و واژۆ کۆکردنەوەی پەرلەمانتارانی کوردستان دەخاتە روو رایدەگەیەنێت، ئیمزایان ناخەنە پاڵ ئیمزای یەکێتی".

 

فراکسیۆنی نەوەی نوێ لە پەرلەمانی کوردستان لە یاداشتێکدا کە وێنەیەکى دەست "ناس کورد" کەوتووە (19ی تشرینی دووەمی 2020) رایگەیاند،  بە گرنگی دەزانین چەند تێبینیەک لەسەر یاداشتی تایبەت بە گرێبەستی 50 ساڵی بۆ خەڵک بخەینە روو، پێمان وایە، ئەو لایەنەی ئیمزای کۆکردۆتەوە بۆ بەدواداچوونی گرێبەستە 50 ساڵیەکە یەکێتییە کە خۆی چەندین ساڵە شەریکە لەم دزییەدا، ئاگاداری مەلەفەکەیە و هەردوو جێگری سەرۆک وەزیران عیماد ئەحمەد و قوباد تاڵەبانی دەڵێن ئێمە ئاگادارین، بۆیە ئەم یاداشتانە تەنھا بۆ موزایەدە و بەلاڕێبردنی تەرکیزی هاوڵاتییانە بۆ لەبیربردنەوەی مووچە، ئەوانەی کە ئەمرۆ  قیادەی ئەو یاداشتە دەکەن و ئەو ئیمزایانەیان کۆکردۆتەوە، هەمان ئەو پەرلەمانتارانەن کە چەند هەفتەیەک پێش ئێستا لەناو پەرلەمان دەستیان بەرزکردەوە و متمانەیان دایەوە بەم حکومەتە.

 

باسی لەوەشکردووە، ئەم گرێبەستی 50 ساڵیە زۆر روونە، کە جگە لە بەتاڵانبردنی نەوتی ھەرێم و پێدانی پارەیەکی زۆر بۆ کرێی بۆریەکە، ھاوکات رێککەوتنی ئەمنیشی تیایە.

 

فراکسیۆنی نەوەی نوێ لە پەرلەمانی کوردستان جەختدەکاتەوە لەوەی، نابنە بەشێک لەم نمایش و یاریە ساختەیە و "ئیمزامان ناخەینە پاڵ ئیمزای یەکێتی کە خۆی چەندین ساڵە شەریکە لە دزی و لە حکومەتدا".