گه‌ڕان

Shadow Shadow
سیاسه‌تی

میدیاى کوردی چ پشکێکى لەو باسەدا هەیە؟ 

پسپۆڕێکى دەرونى هۆکارى ’کاڵبونەوە’ى بەها ئەخلاقییەکان ئاشکرا دەکات 

2020.11.18 - 20:39
App store icon Play store icon Play store icon
پسپۆڕێکى دەرونى هۆکارى ’کاڵبونەوە’ى بەها ئەخلاقییەکان ئاشکرا دەکات 

ناس کورد- 

پسپۆڕێکى دەرونى دەڵێت، بەها ئەخلاقیەکان کاڵبونەتەوە و ئەوەش لە هەموو کۆمەڵگەکاندا سەریهەڵداوە، کە پەیوەندى بە سیستمى سەرمایەدارییەوە هەیە.

 

کەناڵی ناس کورد لە تێلیگرام جۆین بکە   

د. کەریم شەریف قەرەچەتانى، پسپۆڕى بوارى دەرونى و مامۆستاى زانکۆ لە بەرنامەیەکى تایبەتى (ناس کورد)دا باسى لەوەکرد، بەها ئەخلاقى و کۆمەڵایەتیەکان و بەها پیرۆزەکان کاڵبونەتەوە، ئەوەش تا ڕادەیەک پەیوەندى بە سیستمى سەرمایەدارییەوە هەیە، لە زۆر وڵاتیش ئەمە سەریهەڵداوە، تەکنەلۆژیا و ڕاگەیاندنیان خستوەتە گەڕ بۆ خۆ دەوڵەمەندکردن و پارە پەیداکردن نەک بۆ گەشەکردنى بەها ئەخلاقیەکان.

 

ئەو پسپۆرە دەرونییە دەشڵێت، بیرۆکەیەک هەیە پێى دەوترێت "بیرۆکەى سلوکى" یەکێک لە ڕابەرەکانى ناوى سکینەرە و کتێبێکى بڵاوکردوەتەوە و دەڵێت، شتێک نییە بە ناوى ئەخلاق و بەها و شەرەف هەموى دروستکراوە و شتى لەو جۆرە نییە لە مرۆڤدا، کێ زۆر بە ئەخلاق و شەرەفە دەتوانم بە برسیکردن و ئەشکەنجەدان واى لێبکەم وازى لێبهێنێت.

 

قەرەچەتانى لەو بڕوایەدایە ئەمە بۆچونێکى سەرمایەدارییە و ڕاست نییە، دەشڵێت "هەزاران پێشمەرگە هەڕەشەیان لێکرا و ئەشکەنجە دران بەڵام ناوى هاوڕێکانیان نەدا و لەسێدارە دران، سیستمى سەرمایەدارى کار لەسەر غەریزەکانى مرۆڤ دەکات و ئێستاش ڕاگەیاندنە کوردیەکانیشى گرتوەتەوە و بەرنامەکان بوون بە جوڵاندنى غەریزە سێکسیەکان و خۆدەوڵەمەندکردن و خۆجوانکردن.

 

ئەو پسپۆڕە دەرونییە جەختیش دەکاتەوە، دامەزراوەکان کار لەشەر شێوە بکەن و ئافرەت خۆى بکات بە باڕبى و دەستکارى لوت و دەم و لێوى بکات و لە خوار ناوکتەوە کار بکەیت و دواى ئارەزوە سێکسیەکان بکەویت و عەقڵت ئیهمال بکەیت بێگومان بەها ئەخلاقیەکان نامێنن.