گه‌ڕان

Shadow Shadow
سیاسه‌تی

ناوەکانیان بخوێنەرەوە

وردەکاریى دۆزینەوەى ئێسک و پروسکى چەند سەربازێکى عێراقى ’سیانیان لە سلێمانى دۆزراونەتەوە’

2020.11.18 - 19:08
App store icon Play store icon Play store icon
وردەکاریى دۆزینەوەى ئێسک و پروسکى چەند سەربازێکى عێراقى ’سیانیان لە سلێمانى دۆزراونەتەوە’

ناس کورد- 

وەزارەتی بەرگریی عێراق ڕایگەیاند، توانراوە لە دەرئەنجامی گەڕان و پشکنینی تیمەکانیان، 147 ئێسک و پروسکی سەربازی عێراقی کە لە شەڕی نێوان عێراق و ئێراندا کوژراون لەهەشتاکانی سەدەی ڕابردوودا بدۆزنەوە، ئاماژە بەوەکراوە، تەرمی سێ لەو سەربازانە لەسنوری پارێزگای سلێمانی دۆزراونەتەوە.

 

کەناڵی ناس کورد لە تێلیگرام جۆین بکە   

بەگوێرەی ڕاگەیەندراوێکی وەزارەتی بەرگریی عێراق کە وێنەیەکی دەست " ناس کورد" کەوتووە ( 18ی تشرینی دووەمی 2020) "لەئاکامی گەڕان وپشکنینی تێمەکانمان توانراوە ئێسک و پروسکی 147 سەربازی عێراقی بدۆزینەوە کەپێشتر لەشەڕی هەشت ساڵەی نێوان عێراق و ئێراندا کوژرابوون لە هەشتاکانی سەدەی ڕابردوودا". 

 

هاوکات لەگەڵ ڕاگەیەندراوەکەی وەزارەتی بەرگریی عێراق چەند لیستێکیش بەناوی ئەو سەربازانە بڵاوکراوەتەوە کە تێیدا ئاماژە بە ناو و شوێنی دۆزینەوەیان کراوە، کە بەشێکان لە ڕێگەی ئەو بەڵگەنامانەی  کەپێیان بووە ناسراونەتەوە و هەندێکی دیکەشیان لەڕێگەی ملوانکە سەربازییەکانیانەوە کە لەگەردنیاندا بووە وناویانی تێیدا تۆمارکراوە، ناسراونەتەوە".

 

وەزارەتی بەرگریی عێراق داواشی لە کەسوکاری ئەو سەربازانە کردووە بەمەبەستی دڵنیابوون لە چارەنووسی ڕۆڵەکانیان ئەو لیستانە بخوێننەوە، بەمەبەستی دڵنیابوونیش لە ناسنامەکانیان پشکنینی (DNA) بۆ ئێسک پروسکی سەربازەکان کراوە".

 

بەگوێرەی ئەو لیستانەی کە بڵاوکراوەنەتەوە ئیسک و پروسکی سێ لەو سەربازە عێراقییانەی کە دۆزراونەتەوە لە سنوری پارێزگای سلێمانی بووە.