گه‌ڕان

Shadow Shadow
سیاسه‌تی

42% کارەکانی کراوە

ڕاگەیەندراوى وەزارەتى ئاوەدانکردنەوە لەبارەى جێبەجێکردنى ڕێگایەکى دوو ساید 

2020.11.18 - 18:25
App store icon Play store icon Play store icon
ڕاگەیەندراوى وەزارەتى ئاوەدانکردنەوە لەبارەى جێبەجێکردنى ڕێگایەکى دوو ساید 

ناس کورد-

وەزارەتی ئاوەدانکردنەوەی حکومەتی هەرێمی کوردستان ڕایگەیاند، پڕۆژەی رێگای دوو سایدی کەلار-دەربەندیخان 42% کارەکانی کراوە و لە ئێستادا کاری قیرتاوکردنی پرۆژەکە جێبەجێ دەکرێت.

کەناڵی ناس کورد لە تێلیگرام جۆین بکە   

وەزارەتی ئاوەدانکردنەوە و نیشتەجێکردنی حکومەتی هەرێمی کوردستان لە ڕاگەیەندراوێکدا کە "ناس کورد" بەدواداچوونى بۆ کردووە (18ی تشرینی دووەمی 2020)ڕایگەیاند، کارکردن لە پڕۆژەی دروستکردنی رێگای دوو سایدی کەلار-دەربەندیخان بەردەوامە و لەو چوارچێوەیەدا، بڕگەی قیرتاوکردن لە پڕۆژەکەدا ئەنجام دەدرێت و لەئێستاشدا پڕۆژەکە 42% کارەکانی ئەنجامدراوە و پڕۆژەکەش لەلایەن بەڕێوەبەرایەتی رێگاوبانی گەرمیانەوە سەرپەرشتی دەکرێت و لەلایەن کۆمپانیای بێشکانەوە جێبەجێ دەکرێت.

 

باسی لەوەشکردووە، ماوەی زیاتر لە مانگێکە بە فەرمانی دانا عەبدولکەریم وەزیری ئاوەدانکردنەوە و نیشتەجێکردن پڕۆژەکە بەگەڕخراوەتەوە و لە کۆتایی مانگی ئەیلولی رابردوش، لەسەر پێشنیارو داوای وەزیری ئاوەدانکردنەوە و نیشتەجێکردن، حکومەتی ھەرێم بڕی 20 ملیار دیناری بۆ تەواوکردنی پڕۆژەکە تەرخان کرد.