گه‌ڕان

Shadow Shadow
سیاسه‌تی

’’تێناپەڕێت’’

ڕاگەیەنراوێکى توند لە حکومەتی عێراقەوە لەبارەى هێرشە موشەکییەکان

2020.11.18 - 08:44
App store icon Play store icon Play store icon
ڕاگەیەنراوێکى توند لە حکومەتی عێراقەوە لەبارەى هێرشە موشەکییەکان

ناس کورد-

فەرماندەیی ئۆپراسیۆنە هاوبەشەکانى عێراق ڕایگەیاند، هێرشە موشەکییەکەى شەوى ڕابردوو بۆ سەر ناوچەى سەوز، بەبێ لێپرسینەوە تێناپەرێت.

کەناڵی ناس کورد لە تێلیگرام جۆین بکە   

 

فەرماندەییەکە لە بەیاننامەیەکدا کە وێنەیەکى دەست "ناس کورد" کەوتووە (17 تشرينى دووەمى 2020) ئاماژەى بەوەکردووە، هێزە ئەمنى و هەواڵگرییەکان دەستیانکردووە بە ڕێوشوێنى دیاریکردنى هێرشبەران بۆ ئەوەى بە سزاى یاسایی بگەیەنرێن.

 

دەشڵێت، لەگەڵ هەوڵی بەردەوامى حکومەتى عێراق بۆ بۆ بەدیهێنانى دەستکەوتى زیاتر و بەرزکردنەوەى ئاستى پیشەیی و شارەزایی هێزەکان بۆ بەرەنگاربوونەوەى هەڕەشەى تیرۆر، راگەیاندنى کشانەوەى سەدان سەربازى بیانى، هەندێ هێزى دەرەوەى یاسا و کۆدەنگى نیشتیمانى و بۆچوونى مەرجەعیەت، سورن لەسەر پەکخستنى رێڕەوى بەدیهێنانى دەستکەوتەکان.

 

فەرماندەیی ئۆپراسیۆنە هاوبەشەکان جەختیشیکردووەتەوە، ئەو هێرشە بەبێ لێپرسینەوە و راوەدونان تێناپەڕێت.

 

درەنگانى شەوى رابردوو دوای چەند خولەکێک لە بڕیاری پنتاگۆن بۆ کشانەوەى بەشێک لە هێزەکانی لە عێراق و ئەفغانستان، هێرشێکی موشەکی کرایە سەر ناوچەی سەوزی بەغدا.



سەرچاوەیەکی ئەمنی بە مەرجی بڵاونەکردنەوەى ناوەکەى بە "ناس"ی ڕاگەیاند (17ی تشرینی دووەمی 2020)، "شەش موشەک ئاڕاستەى ناوچەى سەوزی بەغدا کراوە و زەنگی ئاگادارکردنەوەش لە باڵیۆزخانەی ئەمریکا لە بەغدا لێدراوە."

 

گروپێکی چەکداری بەناوی "اصحاب الكهف" بە فەرمی بەرپرسیارێتی خۆی لە هێرشەکە ڕاگەیاند و دەڵێت، "بنکەی سەربازیی ئەمریکیمان لە باڵیۆزخانەی ئەمریکا لە بەغدا کردووەتە ئامانج."

 

me_ga.php?id=1568me_ga.php?id=1569