گه‌ڕان

Shadow Shadow
سیاسه‌تی

’’لەسەر بنەمایەک بڕیار لەسەر دەستپێکردنەوەی پڕۆسەی خوێندن یان پێچەوانەکەی دەدرێت’’

2020.11.17 - 22:49
App store icon Play store icon Play store icon
’’لەسەر بنەمایەک بڕیار لەسەر دەستپێکردنەوەی پڕۆسەی خوێندن یان پێچەوانەکەی دەدرێت’’

ناس کورد- هەڤاڵ فەتاح

جێگری لیژنەی پەروەردە و خوێندنى باڵاى پەرلەمانی کوردستان رایگەیاند، لەماوەی یەک هەفتەدا دەیان مامۆستاو سەدان خوێندکاری زانکۆتوشی ڤایرۆسی کۆرۆنابوون، دەشڵێت، هەڵسەنگاندن بۆ دۆخەکە دەکرێت بۆ بڕیاردان لەسەر خوێندنى ئەمساڵ.

کەناڵی ناس کورد لە تێلیگرام جۆین بکە   

 

موسلم عەبدوڵا، جێگری سەرۆکی لیژنەی پەروەردە وخوێندنی باڵا لە پەرلەمانی کوردستان لە لێدوانێکی تایبەتدا بۆ "ناس کورد" (17ی تشرینی دووەمی 2020) ڕایگەیاند: "دوێنێ دووشەممە، لەگەڵ وەزیری خوێندن باڵا، تەندروستی و پەروەردەی هەرێمی کوردستان کۆبووینەوە، ئەوەش بەمەبەستی تاوتوێ کردنی دوایین پێشهاتەکان لەبارەی پڕۆسەی خوێندن لەهەرێمی کوردستان".

 

وتیشی: "بەگوێرەی داتایەک کە لەلایەن  وەزارەتی خوێندنی باڵاو خراوەتە ڕوو 44 مامۆستا و220 خوێندکاری زانکۆش لە ماوەی هەفتەیەکدا  توشی ڤایرۆسی کۆرۆنا بوون و 7 مامۆستاش بەهۆی لێکەوتەی نەخۆشییەکەوە گیانیانلەدەستداوە". 

 

سەبارەت بە پێشنیارەکان لەبارەی خوێندنی ئەمساڵ، موسلم عەبدوڵا، لەوباریەوە وتی: " لە ئیستادا چاوەڕوانی ڕاپۆرت و هەڵسەنگاندنەکانی وەزارەتی تەندروستی و لیژنەی باڵای ڕوبەروبوونەوەی کۆرۆنان لەبارەی دۆخی تەندروستی، لەسەر ئەو بنەمایە بڕیار لەسەر دەستپێکردنەوە  پڕۆسەی خوێندن یان پێچەوانەکەی دەدرێت".

 

ئاماژە بەوشکرد: " تەرخانەکردنی بودجەی پێویست بۆ وەزارەتی خوێندنی باڵا و پەروەردە بۆ ڕوبەڕوبونەوەی نەخۆشییەکە و پێنەدانی موچە بە مامۆستایان، لە ئێستادا دوو ئاستەنگی گەورەن لە بەردەم  پڕۆسەی خوێندن بەگشتی لە هەڕێمی کوردستاندا ". 

 

جێگری سەرۆکی لیژنەی پەروەردە وخوێندنی باڵا لە پەرلەمانی کوردستان ئەوەشی وت: " ئێمە بەهیچ شێوەیەک لەگەڵ دواخستنی پڕۆسەی خوێندن نیین، بەڵام دۆخەکەش لە بارنییە، بۆیە لە هەموو حاڵەتێکدایە پێشنیاری ئەوە دەکەین کە دەبێت قۆناغی پۆلی دوانزەهەمی ئامادەیی لە سەرەتای مانگی داهاتوودا دووبارە دەست بە خوێندن بکەنەوە، چونکە ئەو قۆناغە  قۆناغێکی چارەنووسسازە".

 

بەهۆی توشبوونی هەزاران مامۆستا و خوێندکار لە قۆناغە جیاجیاکانی خوێندن لەهەرێمی کوردستان بە ڤایرۆسی کۆرۆنا،  حکومەتی هەڕێمی کوردستان لەکۆتایی مانگی تشرینی یەکەم  بڕیاریدا  پڕۆسەی خوێندن لە ناوەندەکانی سەر بە وەزارەتی پەروەردە ڕابگرێت تا سەرەتای مانگی کانوونی یەکەمی ئەمساڵ.