گه‌ڕان

Shadow Shadow
سیاسه‌تی

دواى شەپۆلێک کاردانەوە

سەرکردایەتییەکى پارتى لەسەر قسەکانى لەبارەى موچە رونکردنەوە دەدات

2020.11.15 - 21:49
App store icon Play store icon Play store icon
سەرکردایەتییەکى پارتى لەسەر قسەکانى لەبارەى موچە رونکردنەوە دەدات

ناس کورد-

چنار سەعد عەبدوڵا ئەندامى سەرکردایەتى پارتى رایگەیاند، مەبەست لەدوایین قسەکانى لەبارەى موچە و تەحەمولى فەرمانبەران لەو بارەیەوە، بەهیچ شێوەیەک بەو مانایە نییە کەئەوە حاڵەتێکی ئەرێنییە.

 

کەناڵی ناس کورد لە تێلیگرام جۆین بکە   

چنار سەعد عەبدوڵا لە هەژماری فەیسبوکی خۆی (14ی تشرینی دووەمی 2020) ئاماژەى بەوەکردبوو، ئەزموونی ڕابردوو سەلماندی هاوڵاتیانی کوردستان تەحەمولی دواکەوتنی موچە و کەمکردنەوەی موچە دەکەن. ئەوەش شەپۆلێک کاردانەوەى لێکەوتەوە.

 

لەسەر کاردانەوەکان لەبارەى قسەکانییەوە، چنار سەعد عەبدوڵا لە هەژمارى خۆى لە فەیسبوک کە ناس کورد بینیویەتى  (15ی تشرینی دووەمی 2020) رونکردنەوەیەکى بڵاوکردووەتەوە و نوسیویەتى "گومانی تێدا نییە کە دواکەوتنی موچە و کەمکردنەوەی، چەندە ڕەوشی ژیانی خەڵکی کوردستانی شپرزە کردووە، وروژاندنی ئەو خاڵە بەهیچ شێوەیەک بەو مانایە نییە کەئەمە حاڵەتێکی ئەرێنییە".

 

ئاماژەى بەوەشکردووە، ئەو قسەیەى "تەنها بۆ پشتڕاستکردنەوەی هێز و خۆراگری و قوربانیدانی خەڵکی کوردستانە لەڕۆژگارە سەختەکاندا، هەروەها بۆ قورسترکردنی بەرپرسیاریەتی خەڵکانێکی نابەرپرسە کە لەدۆخێکی ئاوهادا  وەک پێویست هەست بە بەرپرسیاریەتی ناکەن".

 

چنار سەعد دەڵێت "پاشان ماناکانی ناو ئەو ڕستەیە، بەبێ ڕستەکانی پێش خۆی و دوای خۆی بەهیچ شێوەیەک کامڵ نییە".