گه‌ڕان

Shadow Shadow
سیاسه‌تی

فەرمانی دەستگیرکردن بۆ بەڕێوەبەرێک

فەرمانی دەستگیرکردن بۆ بەڕێوەبەری پەروەردەی کەرکوک دەرکرا

2020.11.15 - 10:42
App store icon Play store icon Play store icon
فەرمانی دەستگیرکردن بۆ بەڕێوەبەری پەروەردەی کەرکوک دەرکرا

 ناس کورد-

دەستەی دەستپاکیی عێراق ڕایگەیاند، بەتۆمەتی وەرگرتنی بەرتیل، فەرمانی دەستگیرکردن بۆ بەڕێوەبەری گشتیی پەروەردەی کەرکوک دەرکرا. 

کەناڵی ناس کورد لە تێلیگرام جۆین بکە   

 

لە ڕاگەیاندراوێکدا کە وێنەیەکی دەست ناس کورد کەوتووە دەستەی دەستپاکیی عێراق  ( 15ی تشرینی دووەمی 2020) ڕایگەیاند: "نوسینگەی دەستەی دەستپاکیی عێراق لە  کەرکوک، بەتۆمەتی وەرگرتنی بەرتیل، فەرمانی دەستگیرکردنی بۆ بەڕێوەبەری گشتیی پەروەردەی کەرکوک دەرکردووە ".

 

ئاماژە بەوەشکراوە، تۆمەتبار بەرامبەر بە دانانی کەسێک وەک بەرپرسی یەکێک لە بەشەکانی بەڕێوەبەرایەتییەکە بەرتیلی وەرگرتووە، دوای لێکۆڵینەوە و بەدواداچوون، تۆمەتبارەکە دانی بە تاوانەکەیدا ناوە  وتۆمەتەکەش بەسەریدا ساغبووەتەوە".

 

دەستەی دەستپاکیی عێراق ئەوەشی ڕوونکردووەتەوە، تۆمەتبارەکە بە پێی بڕگەی (1) لە ماددەی (307) یاسای سزدادانی عێراقی دادگایی دەکرێت".

 

ئەوەشخراوەتە ڕوو، بەڕێوەبەری گشتیی پەروەردەی کەرکوک، پێشتر لە مانگی تەموزی ڕابردوودا بەتۆمەتی بەفیڕۆدانی سامانی گشتی لەلایەن کارمەندانی نووسینگەی کەرکوکی دەستەی دەستپاکی عێراقەوە دەستگیرکراوە، ئەوەش بە پێی ماددەی (340) یاسای سزادانی عێراق، بەڵام دواتر لە لایەن دادگاوە ئازاد کراوە بەرامبەر بە پێدانی بڕی 10 ملیۆن دینار  وەک بارمتە.