گه‌ڕان

Shadow Shadow
سیاسه‌تی

کوژرانی دوو گەنجەکەی سلێمانی

لێدوانی بەڕێوەبەری پۆلیسی سلێمانی لەسەر ڕووداوی کوشتنی دوو گەنجەکە

2020.11.14 - 00:31
App store icon Play store icon Play store icon
لێدوانی بەڕێوەبەری پۆلیسی سلێمانی لەسەر ڕووداوی کوشتنی دوو گەنجەکە

ناس کورد-

بەڕێوەبەری پۆلیسی سلێمانی ڕایگەیاند، لەسەر ڕووداوی کوشتنی دوو گەنجەکەی ئەمشەوی سلێمانی، دوو کەس دەستگیرکراون و دانیان بە تاوانەکەیاندا ناوە، بەڵام تاوەکو ئێستا هۆکاری سەرەکیی ڕووداوەکە نازانن. 

کەناڵی ناس کورد لە تێلیگرام جۆین بکە   

 

عەمید ئاسۆ شێخ تەها، بەڕێوەبەری پۆلیسی سلێمانی لە لێدوانێکدا بە ناس کوردی ڕاگەیاند: "دوای ئەوەی درەنگانی شەوی هەینی لەبەردەم مزگەوتی گەورەی شاری سلێمانی لەشەڕەچەقۆی چەند گەنجێکدا، دوو کەس کوژران، بەماوەیەکی کەم پاش ڕووداوەکە دوو تۆمەتبار دەستگیرکران." 

 

وتیشی، لەدوای دەستگیرکردنیان هەردوو تۆمەتبارەکە دانیان بە تاوانەکەیاندا ناوە.

 

دەربارەی هۆکاری ڕوودانی ڕووداوەکە، بەڕێوەبەری پۆلیسی سلێمانی ئاماژەی بەوەکرد، تائێستا هۆکاری ڕووداوەکە دیارنییە و لێکۆڵینەوە لەگەڵ تۆمەتبارەکاندا دەکەن بۆ زانینی هۆکارەکەی. 

 

درەنگانی شەوی هەینی 13 تشرینی دووەمی 2020، لەبەردەم مزگەوتی شاری سلێمانی دوو کەس کوژران و پەیامنێری ناس کورد ڕایگەیاند: " هەردوو کوژراوەکە کوردن، یەکێکیان  تەمەنی 22 و 23 ساڵە، ئەوی دیکەشیان تەمەنی 23 ساڵە و تەرمەکانیان گوازراوەتەوە بۆ بەشی فریاکەوتنی نەخۆشخانەی شار."