گه‌ڕان

Shadow Shadow
سیاسه‌تی

شەپۆلێکی مەترسیداری کۆرۆنا تەنگی بە ئیتاڵیا هەڵچنییەوە

2020.11.13 - 19:41
App store icon Play store icon Play store icon
شەپۆلێکی مەترسیداری کۆرۆنا تەنگی بە ئیتاڵیا هەڵچنییەوە

ناس کورد-

لەدوای کەمبوونەوەی حاڵەتەکانی توشبوون بە کۆرۆنا لە وڵاتی ئیتاڵیا،  شەپۆلێکی مەترسیداری ڤایرۆسەکە لەو وڵاتە بڵاوبووەتەوە و لە 24 کاتژمێری ڕابردوودا زیاتر لە 40 هەزار توشبووی نوێی تۆمارکراون.

کەناڵی ناس کورد لە تێلیگرام جۆین بکە   

 

لە مانگی ئازاری ئەمساڵ بڵاوبوونەوەی کۆرۆنا لە ئیتاڵیا گەیشتە لوتکە و زۆرترین ژمارەی توشبووانی ڕۆژانەی لە ئەوروپا تۆماردەکرد، بەڵام بە گرتنەبەری چەند ڕێکارێک ئامارەکانی توشبوون لەو وڵاتە و زۆرینەی وڵاتانی ئەوروپا کەمکرانەوە.

 

ماوەی زیاتر لە دوو مانگە شەپۆلێکی بەهێزی کۆرۆنا لە ئەوروپا دەستیپێکردووەتەوە و وڵاتانی ناچارکردووە ڕێکارە خۆپارێزییەکان پیادە بکەنەوە.

 

بەگوێرەی ئامارەکانی وەزارەتی تەندروستیی ئیتاڵیا، لەماوەی 24 کاتژمێری ڕابردوودا زیاتر لە 40 هەزار توشبووی نوێی ڤایرۆسەکە تۆمارکراون و کۆی ژمارەی توشبووان گەیشتووەتە ملیۆنێک و 107 هەزار کەس.

 

هاوکات، هەر لە 24 کاتژمێری ڕابردوودا 550 توشبوو گیانیانلەدەستداوە و کۆی گیان لەدەستدان بە ڤایرۆسەکە گەیشتووەتە زیاتر لە 44 هەزار کەس.

 

هەروەها بەگوێرەی ئامارەکانی وەزارەتی تەندروستیی بەڕیتانیا، لەو وڵاتە لە 24 کاتژمێری ڕابردوودا 27 توشبووی نوێ تۆمارکراون و 376 توشبووش گیانیان لەدەستداوە.