گه‌ڕان

Shadow Shadow
سیاسه‌تی

بڕیارێک لەبارەی شەڕەکەی سلێمانی

لەبارەی شەڕ و تەقەکەی ناو هۆڵە وەرزشییەکەی سلێمانی بڕیارێک درا

2020.11.10 - 19:22
App store icon Play store icon Play store icon
لەبارەی شەڕ و تەقەکەی ناو هۆڵە وەرزشییەکەی سلێمانی بڕیارێک درا

ناس کورد-

لەدوای دروستبوونی شەڕێکی گەورە لە یارییەکی پاڵەوانێتی موای تای لەشاری سلێمانی، لیژنەی ئۆڵۆمپی سلێمانی بڕیاریدا بە هەڵپەساردنی سەرجەم چالاکییەکانی لقی سلێمانیی لیژنەی مواتای، لیژنەی موای تای سلێمانیش دەڵیت، بڕیارەکە نایاساییە.

کەناڵی ناس کورد لە تێلیگرام جۆین بکە   

 

دوێنێ دووشەممە گرتەیەکی ڤیدیۆیی لە تۆڕەکۆمەڵایەتییەکان بڵاوبووەوە کە تێیدا ژمارەیەکی زۆر خەڵک لە هۆڵێکی وەرزشی سلێمانی شەڕ دەکەن و بەگوێرەی بەدواداچوونی ناس کورد، ڕووداوەکە ڕۆژی شەممە (7ی تشرینی دووەمی 2020) لە هۆڵی وەرزشی یانەی ئاشتی لە سلێمانی ڕوویداوە، لەدوای کۆتایی هاتنی خولی موای تای پاڵەوانیەتی باکوری عێراق و کوردستان.

 

ئەمڕۆ سێشەممە 10ی تشرینی دووەمی 2020، لقی سلێمانیی لیژنەی ئۆڵۆمپی کوردستان، بە بڕیارێکی فەرمی بڕیاریدا بە "هەڵپەساردنی سەرجەم کار و چالاکییەکانی لیژنەی موای تای / لقی سلێمانی تاکاتێکی نادیار.

 

 

لەبەرامبەردا سەرۆکی یەکێتی موای تای سلێمانی لەڕاگەیەندراوێکدا ڕایگەیاندووە: " بڕیاری ھەڵپەساردنی چالاکییەکانی یەکێتی مواتای سلێمانی بڕیارێکی نایاساییە."

 

زیاتر بخوێنەرەوە: تەقە و شەڕ و هاوار.. وردەکاری ’’کارەساتە وەرزشییەکەى سلێمانی

 

یەکێتییەکە ڕوونکردنەوەکەی لەڕێگەی چەند خاڵێکەوە بڵاوکردووەتەوە، کە ئەمانەن:

 

یەکەم⁄ پاڵەوانێتی یانە کانی باکور لەلایەن یەکێتی موای تای عێراقەوە ئەنجام دراوە و پارەی بۆخەرج کراوە، نەک یەکێتی موای تای سلێمانی، بۆیە لەکاتی ھەرگیرو گرفتێک یەکێتی عێراق لێی بە رپرسیارە، نەک لقی یەکێتی موای تای سلێمانی .

 

دووەم⁄بەپێ ی یاسای ئۆڵۆمپی و یەکێتیە وەرزشیەکانی عێراق، بڕیاری ھەڵپەساردن یا ھەرسزایەک بۆ لقی یەکێتی موای تای پارێزگاکان  یەکێتی عێراقی خاوەن بڕیارە، نەک نوێنەراتی لیژنەی ئۆڵۆمپی پارێزگاکان.

 

سێھەم⁄گەر نوێنەرایەتی دەسەڵاتی ھەڵپەساردنی ھەیە دەبوو ھەمان دەستەڵاتی بەکاربھێنایە لە ڕابردوودا بۆ یەکێتیە وەرزشیەکانی تر کە لەنێو یاریگاکان (شەڕ،کوژرانی یاریزانی تۆپی پێ، سوتانی یاریگاکان، لێدان وبرینداربونی داوەری تۆپی پێ)کە بەکاری نەھێناوە!؟

 

چوارەم⁄ئەم بڕیارە زۆر عەفەویانە و تاک لایەنانە لەژێر فشاردا دراوە لەڕۆژی ١١⁄١٠10ی 11 کە پشووەو دەوامی لێژنەی ئۆڵۆمپی نیە! نوسراوەکە نوسراوەو واژۆ کراوە؟!، ھیچ بنەمایەکی یاسایی نیە و ووتەی یەکێتی موای تای وەرنەگیراوە.

 

پێنچ⁄سکاڵای خۆمان لەسەر نوێنەرایەتی سلێمانی گەیاندە  یەکێتی موای تای عێراقەوە و بەرز دەکرێتەوە بۆ  لێژنەی ئۆڵۆمپی عێراق.

 

یەکێتی موای تای سلێمانی جەختیشیکردووەتەوە: "ھیوادارین بەبڕیارەکانتان بچنەوە بە پێچەوانەوە ھەڵوێستی ترمان دەبێت و بۆ ڕای گشتی بڵاو دەکەینەوە."

 

دوێنێ دووشەممە، سیروان مینە، سەرۆکى یەکێتی مواتای لە سلێمانی بە ناس کوردی وت: "بابەتەکە هیچ پەیوەندی بە خولەکەوە نییە، یاریزانێکی هەڵبژاردەى عێراق دەمانچەی پێبووە، دیارە هاندەران قسەیان پێ وتووە و ئەویش توڕە بووە و تەقەی کردووە." 

 

وتیشی، "ئەوە جێگەی داخە کە یاریزان دەمانجە هەڵبگرێت و لە ناو هۆڵی وەرزشیدا بەکاریبهێنێت، دەبێت هێزە ئەمنییەکان لێکۆڵینەوە لەوە بکەن."