گه‌ڕان

Shadow Shadow
سیاسه‌تی

شێخی کەسنەزان چووە بارەگای بارزانی.. ناوەڕۆکی کۆبوونەوەکە بزانە

2020.11.10 - 17:04
App store icon Play store icon Play store icon
شێخی کەسنەزان چووە بارەگای بارزانی.. ناوەڕۆکی کۆبوونەوەکە بزانە

ناس کورد-

شێخ نەهرۆ کەسنەزانی، سەرۆکی تەریقەتی قادری لە کوردستان و جیهان چووە سەڵاحەدین و لەگەڵ مەسعود بارزانی، سەرۆکی پارتی دیموکراتی کوردستان کۆبووەوە.

کەناڵی ناس کورد لە تێلیگرام جۆین بکە   

 

لەڕاگەیەندراوێکدا بارەگای بارزانی ڕایگەیاند: "ئەمڕۆ سێشەممە 10ی تشرینی دووەمی 2020، لە سەلاحەددین سەرۆك مەسعود بارزانی پێشوازی لە شێخ نەهرۆ محەمەد كەسنەزانی، سەرۆكی تەریقەتی قادری لە كوردستان و جیهان كرد."

 

ئاماژەی بەوەشكرد: " لە دیدارەكەدا بیروڕا لەبارەی بارودۆخی گشتیی كوردستان و عێراق و ناوچەكە ئاڵوگۆڕ كرا، هەروەها جەخت لە چڕكردنەوەی هەوڵی هەموو لایەك كرایەوە بۆ پتەوتركردنی گیانی تەبایی و برایەتیی نێوان چینوتوێژەكانی كۆمەڵگە و پارێزگاریكردن لە بەها بەرزەكانی دینداری و خواناسی و پێكەوەژیان."

 

ئەوە لەکاتێکدایە، پێشتریش شێخ نەهرۆ محەمەد کەسنەزانی لەگەڵ نێچیرڤان بارزانی، سەرۆکی هەرێمی کوردستان و دوێنێش لەگەڵ عەلی باپیر، ئەمیری کۆمەڵی ئیسلامی کۆبووەوە.