گه‌ڕان

Shadow Shadow
سیاسه‌تی

هەواڵێکى دڵخۆشکەر لەپزیشکێکى کوردەوە لەبارەى ڤاکسینى دژە کۆرۆناوە

2020.11.09 - 15:50
App store icon Play store icon Play store icon
هەواڵێکى دڵخۆشکەر لەپزیشکێکى کوردەوە لەبارەى ڤاکسینى دژە کۆرۆناوە

ناس كورد- 

پزیشکێکى کورد لەیەکێک لەنەخۆشخانەکانى بەریتانیاوە ئاشکراى دەکات، ڤاکسینى کۆمپانیایەکى ئەمەریکى نزیکەى 100% سەرکەوتنى بەدەستهێناوە و داواى مۆڵەتى کتوپڕى کردووە بۆ ئەوەى بەکاربهێنرێت.

 

کەناڵی ناس کورد لە تێلیگرام جۆین بکە   

دکتۆر گۆران عەبدوڵا، پسپۆڕى سیاسەتى تەندروستى کە ئێستا لەوڵاتى بەریتانیا سەرقاڵى پیشەى پزیشکیە لەیەکێک لەنەخۆشخانەکانى ئەو وڵاتە بەناس کوردى ڕاگەیاند، بەپێى کۆمپانیاى فایزەرى ئەمەریکى بەڕێژەى 90%ى ئەو کەسانەى کە ڤاکسینەکەیان پێدراوە کاریگەرى ئەرێنی هەبووە بۆ سه‌ر چاكبوونه‌وه‌یان.

 

د.گۆران وتیشی، بەو بۆنەیەوە کۆمپانیاکە داواى مۆڵەتى کتوپڕ و دەمودەستى کردووە بۆ ئەوەى ئەو ڤاکسینە بخاتە بەردەستى هاوڵاتیان و بەوەش ببێتە یەکەم ڤاکسینى بەکارهێنراو بۆ خەڵکى.

 

وتەکانى ئەو پزیشکە کوردە لەکاتێکدایە، شارەزایانى پزیشکى واى بۆ دەچن تا کۆتایى ئەمساڵ یەکێک لەو ڤاکسینانەى دژە کۆرۆنا کە پێشخراون و دواتریش کاندید کراون ئامادە بکرێت و لەلایەن دەزگا پەیوەندیدارەکانەوە ڕەزامەندى لەسەر بدرێت بەوەش بەدەستخستنى ڤاکسینەکە نەکەوێتە ساڵى داهاتووەوە.