گه‌ڕان

Shadow Shadow
چیرۆكه‌كانمان

ئاسایش دانپێدانانی هاوکارەکانی بڵاودەکاتەوە

شاسوار عەبدولواحید: پەتی درۆ کورتە و ڕاستییەکان دەردەکەوون

2019.05.10 - 23:21
App store icon Play store icon Play store icon
شاسوار عەبدولواحید: پەتی درۆ کورتە و ڕاستییەکان دەردەکەوون

کەناڵی ناس کورد لە تێلیگرام جۆین بکە   

ناس كورد- پاش ئەوەی دەزگای ئاسایشی هەرێم دانپێدانانی چەند ئەندامێکی نەوەی نوێی بڵاوکردەوە سەبارەت بە سکاڵایەکی شادی نەوزاد ئەندامی پەرلەمانی کوردستان لە فراکسیۆنی نەوەی نوێ، سەرۆکی جوڵانەوەی نەوەی نوێ، رایگەیاند "دانپێدانانەكانی ئەو كارمەندانە لە ژێر هەر فشارێكدا بووبێت، ئەوە سیناریۆیە و دروستكراوە". . ئەمڕۆ (هەینی) دەزگای ئاسایشی هەرێم بە ڤیدیۆ دانپێدانانی چەند ئەندامێکی نەوەی نوێی بڵاو کردەوە کە دان بەوەدا دەنێن لە ناو جوڵانەوەکەوە ئەدمینی چەند پەیجێکی نافەرمی و سێبەر بوونە و هێرشیان کردۆتە سەر چەندین کەسایەتی هەرێمی کوردستان. . ئەندامە دەستگیركراوەكانی نەوەی نوێ‌ لە گرتە ڤیدیۆییەكەدا، کاری دروستکردنی ڤیدیۆکان و دۆسێکانی پەرلەمانتارەکانیان لە ئەستۆدا بووە، لە نێویاندا دان بە ناردنی ئەو نامەیە دەنێن کە بۆ “شادی نەوزاد”ی پەرلەمانتار نێردرابوو جەخت دەكەنەوە "لەسەر داوای سەرۆکی جوڵانەوەكە ئەو كارە كراوە". . چەند کاتژمێرێک دوای بڵاوکردنەوەی ڤیدیۆی دانپێدانانەکە، شاسوار عەبدولواحید، سەرۆکی جوڵانەوەی نەوەی نوێ لە کۆنفرانسێکی ڕۆژنامەنوسیدا ڕایگەیاند: "دانپێدانانەكانی ئەو كارمەندانە لە ژێر هەر فشارێكدا بووبێت، ئەوە سیناریۆیە و دروستكراوە و بۆ بچووككردنەوەی جوڵانەوەكەیە و پێشتریش چەندین جار هەوڵیانداوە دەستەمۆمان بكەن و بمانخەنە ژێر دەسەڵاتی خۆیانەوە". . سەرۆكی جوڵانەوەی نەوەی نوێ ئاماژەی بەوە كرد، پێشتر وتەبێژی دادگا ئاماژەی بەوە كردبوو كە تا ئێستا هیچ بەڵگەیەك نییە لەسەر نەوەی نوێ و شاسوار عەبدولواحید، پرسیاری ئەوەشی كرد "خێرە ئێستا بەم ڕۆژی هەینیە ئەم دانپێدانانە بڵاوكرایەوە". . باسی لەوەشكرد، ئەوەندەی ئەو لە یاسا تێگەشتبێت، هیچ دادوەرێك باوەڕ بەو فرت و فێڵانە ناكات و بە دانپێدانانی ئەوان لای ئاسایش بە هەند وەرناگیرێت لای دادگا، ئەوان پێشتر لای دادگا قسەیان كردووە و ڕەتیانكردووەتەوە كاری وایان كردووە. . شاسوار عەبدولواحید جەختیشیكردەوە، دڵنیایە كە ئەوە دۆسیەیەكی پلان بۆ داڕێژراوە و داهاتوو ڕاستیەكان دەردەخات و ئەوان لە جاران بەهێزتر دەبن دەشیانزانی كە ڕووبەڕووی ئەوانە و تەنانەت كوشتنیش دەبنەوە. . سەبارەت بەوەی لە دانپێدانانەكاندا ناوی ئەویش وتراوە و ڕەنگە فەرمانی گرتنی بۆ دەربچێت، سەرۆكی جوڵانەوەی نەوەی نوێ ڕایگەیاند: "ئەگەر تاوانبار بومایە سلێمانیم جێدەهێشت، بەڵام من دڵنیام لە خۆم و گومانم لە خۆم نییە كە هیچ شتێكم نەكردووە". . لەپاش كۆنگرە رۆژنامەوانییەكەی سەرۆكی جوڵانەوەی نەوەی نوێ‌، هەردوو فراکسیۆنی نەوەی نوێ لە پەرلەمانی کوردستان و عێراق راگەیەندراوێكیان بڵاوكردەوە و داوایان كرد له‌ یه‌كلاكردنه‌وه‌ی ئه‌م پرسه‌دا، دادگا سه‌روه‌ر بێت و رێكاری یاسایی خۆی بگرێته‌به‌ر و ئه‌و كه‌سانه‌ی دیكه‌یش كه‌ له‌م كه‌یسه‌ تێوه‌گلاون، لێپێچینه‌وه‌ی یاساییان له‌گه‌ڵدا بكرێت و سزای یاسایی خۆیان وه‌ربگرن. . ئاماژەشیان بەوەكرد، ئەوان شانازیی به‌ ره‌وشتبه‌رزیی سه‌رجه‌م په‌رله‌مانتارانی هه‌ردوو فراكسیۆن دەکەن و هاوڵاتیانیش دڵنیاده‌كه‌نه‌وه‌ كه‌ مۆنتاژكردنی ده‌نگیی و وێنه‌ی ڤیدیۆیی دروستكراو به‌ به‌رنامه‌ی كۆمپیوته‌ریی و ده‌ستبردن بۆ ژیانی تایبه‌تیی كه‌سایه‌تییه‌كان و په‌رله‌مانتاره‌كان، پەشیمانیان ناکاتەوە لە هەڵوێستەکانی ڕابردوویان. . رۆژی (24ی نیسانی 2019) شادی نەوزاد، ئەندامی فراکسیۆنی نەوەی نوێ لە پەرلەمانی کوردستان، لە کۆنفرانسێکی ڕۆژنامەنوسیدا لە تەلاری پەرلەمانی كوردستان ڕایگەیاند: "لەلایەن شاسوار عەبدولواحید و گروپەکەیەوە هەڕەشەی بڵاوکردنەوەی گرتەی ڤیدیۆیی ڕوتی دروستکراوی لێکراوە"، بەوهۆیەشەوە لە دادگای لێکۆڵینەوەی سلێمانی سکاڵای تۆمارکرد و بەو هۆیەوە دوو سكرتێری تایبەتی شاسوار عەبدولواحید سەرۆكی جوڵانەوەی نەوەی نوێ‌ و چەند خۆبەخشێكی نەوەی نوێ‌، دەستگیركران. .