گه‌ڕان

Shadow Shadow
سیاسه‌تی

ڕونكردنه‌وه‌ی مه‌حمود سه‌نگاوی لەبارەى دەنگۆى ’سەرانەوەرگرتنى لەخەڵکی’

2020.11.08 - 20:02
App store icon Play store icon Play store icon
ڕونكردنه‌وه‌ی مه‌حمود سه‌نگاوی لەبارەى دەنگۆى ’سەرانەوەرگرتنى لەخەڵکی’

ناس كورد- 

مەحمود سەنگاوى ئەندامى سەرکردایەتى یەکێتى نیشتیمانى کوردستان ڕونكردنه‌وه‌یه‌كی له‌باره‌ی ده‌نگۆی "سه‌رانه‌وه‌رگرتنی له‌ خه‌ڵكی" بڵاوكرده‌وه‌ و ڕایگه‌یاند، ئەو کارانە بۆ ناو زڕاندنیان بەناوى ئەوانەوە دەکرێت.

 

کەناڵی ناس کورد لە تێلیگرام جۆین بکە   

له‌ ڕونكردنه‌وه‌كه‌ی مه‌حمود سه‌نگاوی ئه‌ندامی سه‌ركردایه‌تی یه‌كێتی كه‌ ناس كورد بینیویه‌تی ئاماژه‌ به‌وه‌ كراوه‌ (8ی تشرینی دووه‌می 2020)، چەند کەسێکی دزێو و هەلپەرست چەندین کاری دزێو و نایاساییان دوور لە هەم داب و نەریتە کۆمەڵایەتیەکان بە ناوی بەندە و کوڕەکانمەوە (کاروان و گەرمیان) بەرامبەر خەڵکی ئەنجامداوە، هەر بۆیە بە پێویستی دەزانینن کە بە کۆمەڵانی خەڵکی بەشەرەفی کوردستانی ڕابگەینین کە کاری سەرانە و سوڵحکردن بۆ پارە دوورن لە ئەدەب و پەروەردەی خۆم و کوڕەکانمەوە. 

 

 

دەقى ڕونکردنەوەکە:

 

کۆمەڵانی خڵکی بەشەرەفی کوردستان

دەزگاکانی ڕاگەیاندن و ناوەندە میدیایەکان

هاونیشتیمانیانی ئازیز، لە ھەموو کۆمەڵگایەکدا کەسانی دزێو و داواکراو لە یاسا بوونیان هەیە و کۆمەڵگای ئێمەش بە دوور نییە لەم جۆرە کەسانە، بۆمان ڕوون بۆتەوە کە لە ماوەیی ڕابردوودا دەستێکی نادیار و چەند کەسێکی دزێو و هەلپەرست چەندین کاری دزێو و نایاساییان دوور لە هەم داب و نەریتە کۆمەڵایەتیەکان بە ناوی بەندە و کوڕەکانمەوە (کاروان و گەرمیان) بەرامبەر خەڵکی ئەنجامداوە، هەر بۆیە بە پێویستی دەزانینن کە بە کۆمەڵانی خەڵکی بەشەرەفی کوردستانی ڕابگەینین کە کاری سەرانە و سوڵحکردن بۆ پارە دوورن لە ئەدەب و پەروەردەی خۆم و کوڕەکانمەوە هەر بۆیە داواکارم لە هاونیشتیمانیانی ئازیز بەئاگا بن و لە ئەگەری ڕوودانی هەر کارێکی نایاسایی بەرامبەریان لایەنی پەیوەندی دار ئاگادار بکەنەوە بۆ ئیجرائاتی یاسایی و لە ئەگەری بەکارهێنانی ناوی ئێمەدا بۆ هەر جۆرێک لەو کارانە کە مەبەست لێی ناشرینکردن و ناوزڕاندنمانە پەیوەندی بکەن نوسینگەکەمەوە بە ژمارە تەلەفۆنی (٠٧٧٠١٥٢٣٥٨٨).