گه‌ڕان

Shadow Shadow
سیاسه‌تی

توركیا پیرۆزبایی له هه‌ڵبژاردنه‌وه‌ی سه‌رۆكی ئه‌م وڵاته‌ كرد و هێشتا له‌ بایدنی نه‌كردووه‌

2020.11.08 - 19:50
App store icon Play store icon Play store icon
توركیا پیرۆزبایی له هه‌ڵبژاردنه‌وه‌ی سه‌رۆكی ئه‌م وڵاته‌ كرد و هێشتا له‌ بایدنی نه‌كردووه‌

ناس كورد-

وه‌زاره‌تی ده‌ره‌وه‌ی توركیا به‌بۆنه‌ی دوباره‌ هه‌ڵبژاردنه‌وه‌ی به‌ سه‌رۆكی ئه‌و وڵاته‌ پیرۆزبایی ئاراسته‌ی ئه‌لفا كوندی سه‌رۆكی غینیا كرد، له‌كاتێكدا 24 كاتژمێر به‌سه‌ر راگه‌یاندنی سه‌ركه‌وتنی جۆ بایدن له‌ هه‌ڵبژاردنی سه‌رۆكایه‌تی ئه‌مریكا تێده‌په‌ڕێت و ئه‌و وڵاته‌ هیچ لێدوانێكی ڕه‌سمی له‌و باره‌یه‌وه‌ بڵاونه‌كردۆته‌وه‌.

 

کەناڵی ناس کورد لە تێلیگرام جۆین بکە   

له‌ راگه‌یه‌ندراوه‌كه‌ی وه‌زاره‌تی ده‌ره‌وه‌ی توركیادا پیرۆزبایی له‌ دوباره‌ هه‌ڵبژاردنه‌وه‌ی ئه‌لفا كوندی سه‌رۆكی غینیا كراوه‌ كه‌ دادگای ده‌ستوری ئه‌و وڵاته‌ له‌ راگه‌یه‌ندراوێكدا سه‌ركه‌وتنی له‌ هه‌ڵبژاردنه‌كه‌ی 18ی ئۆكتۆبه‌ری رابردوو پشتڕاست كرده‌وه‌.

 

راگه‌یه‌ندراوه‌كه‌ی وه‌زاره‌تی ده‌ره‌وه‌ی توركیا له‌كاتێكدایه‌ كه‌ 24 كاتژمێر به‌سه‌ر راگه‌یاندنی سه‌ركه‌وتنی جۆ بایدن له‌ هه‌ڵبژاردنی سه‌رۆكایه‌تی ئه‌مریكا تێپه‌ڕیوه‌ و تا ئێستا توركیا هیچ لێدوانێكی ڕه‌سمی له‌و باره‌یه‌وه‌ بڵاونه‌كردۆته‌وه‌ به‌هۆی ئه‌وه‌ی له‌ پێشتردا جۆ بایدن ڕه‌خنه‌ی له‌ سیاسه‌تی ناوخۆیی و ده‌ره‌وه‌ی توركیا و سه‌رۆككۆماری ئه‌و وڵاته‌ گرت و له‌مانگی ئابی رابردوودا سه‌رۆكایه‌تی ئه‌و وڵاته‌ و ره‌جه‌ب ته‌یب ئه‌ردۆغان وه‌ڵامی ڕه‌خنه‌كانی بایدنیان دایه‌وه‌.