گه‌ڕان

Shadow Shadow
سیاسه‌تی

بارەگاى سەرۆکایەتى هەرێم

زانیارى لەسەر کۆبوونەوەى پارتى و یەکێتى 

2020.11.08 - 16:37
App store icon Play store icon Play store icon
زانیارى لەسەر کۆبوونەوەى پارتى و یەکێتى 

ناس کورد-

سەرچاوەیەکى بەرپرس لە یەکێتى رایگەیاند، بڕیارە سبەینێ پارتى و یەکێتى لە هەولێر کۆبنەوە.

 

کەناڵی ناس کورد لە تێلیگرام جۆین بکە   

سەرچاوەکە کە داوایکرد ناوى نەهێنرێت (8ی تشرینی دووەمی 2020) بە ناس کوردى راگەیاند، کۆبوونەوەکە لەسەر ئاستى مەکتەبی سیاسییە و بڕیارە لە بارەگاى سەرۆکایەتى هەرێم ئەنجام بدرێت.

 

وتیشى "ئەگەر دۆخەکە بەم شێوەیە بمێنێتەوە و دۆخى پەیوەندییەکانى نێوان هەردوو حزب تێکنەچێتەوە کۆبوونەوەکە دەکرێت".

 

ئەمە یەکەم کۆبوونەوەى پارتى و یەکێتییە لەسەر ئاستى باڵا لەدواى گرژییەکانى ئەم دواییەى نێوان پارتى و یەکێتى کە لە ساڵیادى ریفراندۆم و رووداوەکانى 16ى ئۆکتۆبەر روویاندا.

 

دوایین کۆبوونەوەى پارتى و یەکێتى لەسەر ئاستى باڵا لە مانگى ئابى ڕابردوودا بوو، کاتێک هەردوولا لە هاوینەهەوارى دوکان کۆبوونەوە و جەختیانکردەوە لەسەر پشیوانیکردنى حکومەت و جێبەجێکردنى رێککەوتنى نێوانیان لەساڵى 2019 بەتایبەتى لەپرسی تایبەت بە پەرلەمان و حکومەت.    

  

هەر لەکۆبوونەوەکەدا بڕیاردرا کۆبوونەوەى داهاتووى نێوانیان لە سەرۆکایەتى هەرێم لە هەولێر ئەنجام بدرێت بەئامانجى جێبەجێکردنى بریارەکان. 

 

کێشەکانى پارتى و یەکێتى لەسەر چەند ئاستێکە کە هەردولا ئامادەییان بۆ چارەسەرکردنیان نیشانداوە، بەتایبەتى لەسەر ئاستى پەرلەمان و حکومەت، کە یەکێتى بەردەوام داواى شەراکەتى راستەقینە دەکات.