گه‌ڕان

Shadow Shadow
سیاسه‌تی

دواین زانیاری

لێدوانی نوێی لیژنەی دارایی لەبارەى موچەى فەرمانبەران

2020.11.08 - 15:11
App store icon Play store icon Play store icon
لێدوانی نوێی لیژنەی دارایی لەبارەى موچەى فەرمانبەران

ناس کورد-

ئەندامێکى لیژنەى دارایى لە پەرلەمانى عێراق ئاشکراى دەکات، پەرلەمان لەسەر ئەوە ڕێکەوتووە ئەو قەرزەى حکومەت دەیکات لە 15 تریلیۆن زیاتر نەبێت و تەنها بۆ موچەش دابینبکرێت نەک خەرجى تر.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا کە کۆپیەکى دەستى ناس کورد کەوتووە، ئەحمەد جبورى، ئەندامى لیژنەى دارایى لەپەرلەمانى عێراق (8ى تشرینى دووەمى 2020) ڕایگەیاندووە، کۆدەنگیەکى پەرلەمانى هەیە لەسەر کەمکردنەوەى زیاترى ڕێژەى قەرزکردن تەنانەت دواى ئەوەى وەزارەتى دارایى ڕێژەى قەرزەکەى دابەزاند لە 41 تریلیۆن دینارەوە  بۆ 31 تریلیۆن دینار.

 

ئاماژەى بۆ ئەوەش کردووە، پەرلەمان لەگەڵ یاساکەدایە بە شێوەیەک موچەى فەرمانبەران بۆ مانگەکانى داهاتوو بێ هیچ خەرجیەکى تر دابین بکات.

 

باسى لەوەش کردووە، پەرلەمان یاساکە تێدەپەڕێنێت بەشێوەیەک قەرزەکە تەنها بۆ موچە بێت و بڕەکەشى لە 15 تریلیۆن دینار زیاتر نەبێت.

 

جبورى ئەوەشى ڕوونکردووەتەوە، لەو بارەیەوە وەکو پەرلەمان سازانێک دروستبووە بۆیە پێدەچێت لە دانیشتنەکانى داهاتووی ئەم هەفتەیەدا یاساکە تێپەڕێنرێت.

 

لەبارەى موچەشەوە ئەندامەکەى لیژنەى دارایى دەڵێت، حکومەت بەرپرسیارى دواکەوتنى موچەى فەرمانبەرانى دەکەوێتە ئەستۆ نەک پەرلەمان و لیژنەى دارایى بەڵام لیژنەکەیان لەسەر ئەوە سوورە ئەو قەرزەى کە دەکرێت تەنها بۆ موچە خەرج بکرێت.