گه‌ڕان

Shadow Shadow
سیاسه‌تی

’’ئەم قسەنەیان پێبڵێ’’

پەرلەمانتارێکی یەکێتی بۆ بایدن: ئێوارەخوانێک بۆ سەرکردەی حزبە کوردییەکان ڕێکبخە

2020.11.08 - 11:41
App store icon Play store icon Play store icon
پەرلەمانتارێکی یەکێتی بۆ بایدن: ئێوارەخوانێک بۆ سەرکردەی حزبە کوردییەکان ڕێکبخە

ناس کورد-

پەرلەمانتارێکی یەکێتی لە پەرلەمانی کوردستان پەیامێکی ئاڕاستەی جۆ بایدن کرد و داوای لێدەکات، ئێوارەخوانێک بۆ سەرکردەی حزبە کوردییەکان ڕێکبخات و پێیان بڵێت: "خۆتان ڕێکبخەنەوە و تەبابن، ئەگەر یەک نەبن هەمووتان بچوکن، کە وەفدێکیشم ناردە هەرێم ئەم شار و ئەو شاری پێمەکەن".

کەناڵی ناس کورد لە تێلیگرام جۆین بکە   

 

عەباس فەتاح، ئەندامی فرکسیۆنی یەکێتی لە پەرلەمانی کوردستان، لە هەژماری خۆی لە تۆڕی کۆمەڵایەتی فەیسبوک، پەیامێکی ئاڕاستەی جۆ بایدنی، سەرۆکی هەڵبژێردراوی ئەمریکا کردووە و نوسیویەتی: "بەڕێز کاک بایدن ئەوەی لەم دوو ڕۆژە بینیم لە تۆڕە کۆمەلایەتیەکان دوای دەرکەوتنی ئەنجامە بەرایەکانی هەلبژاردنی سەرۆکی ئەمریکا، بەرپرس و سەرکردەی حیزبە کوردستانیەکان پێشبرکێیان بوو لە ئاڕاستەکردنی بروسکەی پیرۆزبایی و بڵاوکردنوەی وێنەکانیان لەگەلت و بە دۆست و هاوڕێ ناویان دەبردی."

 

ئاماژەی بەوەشكردووە: "مادام ئەوەندە دۆستمانی منیش پیرۆزباییەکی گەرمت لێدەکەم و داوایەکی دۆستانەت لێ دەکەم کە ئێوارەخوانێک ڕێکبخەیت و هەموو سەرۆکی حیزبەکانمان کۆبکەیتەوەو پێکیان بێنیەوە و پێیان بڵێ؛ من کاتێک دۆستتانم و دەتوانم هاوکاریتان بکەم کە خۆتان تەبابن و کەستان خۆتان بەگەورەتر لەیەکتر مەزانن، یەک نەبن هەموتان بچوکن."

 

باسی لەوەشكردووە، پێشیانبڵێ: "بۆ منیش واباشە کە وەفدێکم ناردە کوردستان بۆ هاوکاریتان ئەوەندە ئەو شارەو شارو ماڵەو ماڵ ناکات لە جێگەیەک هەمووتان دەبینێ، هیوادارم قبولی داواکەم بکەیت و هەر سەرکەوتوبیت."