گه‌ڕان

Shadow Shadow
سیاسه‌تی

ئاستەنگییەکان چین؟

باراک ئۆباما: بایدن ڕووبەڕووی قورسترین ئاستەنگی لە مێژووی ئەمریکادا دەبێتەوە

2020.11.07 - 23:28
App store icon Play store icon Play store icon
باراک ئۆباما: بایدن ڕووبەڕووی قورسترین ئاستەنگی لە مێژووی ئەمریکادا دەبێتەوە

ناس کورد-

باراک ئۆبامای سەرۆکی پێشووی ئەمەریکا ستایشی جۆ بایدن، کاندیدی دیموکراتەکانی کرد بەبۆنەی بەدەستهێنانی سەرکەوتن لەهەڵبژاردنەکانی سەرۆکایەتی ئەو وڵاتەدا و ڕایگەیاند، ئەرک و قەیرانی زۆر سەخت چاوەڕێی بایدن دەکەن کە پێشتر ڕووبەڕووی هیچ سەرۆکێک نەبووەتەوە، بۆیە دەبێت هەمووان هاوکاری خۆی و جێگرەکەی بن.

کەناڵی ناس کورد لە تێلیگرام جۆین بکە   

 

بەگوێرەی میدیاکانی ئەمەریکا، باراک ئۆباما، سەرۆکی پێشووی ئەو وڵاتە، پەیامێکی بەبۆنەی سەرکەوتنی جۆ بایدن، کاندیدی دیموکراتەکان لەهەڵبژاردنەکانی سەرۆکایەتیی ئەو وڵاتەدا بڵاوکردووەتەوە کە ناس کورد بە دواداچوونی بۆ کردووە و تێیداهاتووە: " چانسی ئێمەیە کە جۆ بایدن هەموو ئەو تایبەتمەندیانەی تێدایە بۆ ئەوەی ببێت بەسەرۆک، بۆیە دەبێت لە ئێستاوە لەسەر ئەو بنەمایە مامەڵە بکات".

 

ئۆباما ئاماژەی بەوەشکردووە: " لەمانگی کانوونی دووەمی ساڵی داهاتوودا بایدن پێ دەخاتە ناو کۆشکی سپییەوە، بۆیە دەبێت بزانێت ئاستەنگییەکی زۆر چاوەرێی دەکات کە پێشترهیچ سەرۆکێکی ئەمەریکا ئاستنەگی لەوشێوەیان دووچار نەبووەتەوە".

 

سەرۆکی پێشووی ئەمریکا ئەوەشی وتووە: " قەیرانی بڵاوبوونەوەی ڤایرۆسی کۆرۆنا، قەیرانی ئابوری، سیستمی دادگاکان، دیموکراسی و کەشوهەوا هەموو ئەمانە ئەوئ استەنگییانەن کە دەبێت بایدن خۆی بۆ ئامادە بکات".

 

لەبەشێکی تری پەیامەکەیدا، ئۆباما داوای  لەهەموو تاکێکی ئەمەریکی کردووە هاوکار و هەماهەنگ بن لەگەڵ سەرۆکی نوێی وڵاتەکەیان و جێگرەکەی و دەڵێت:"دەزانم لە ئێستادا گەلی ئەمەریکا دابەش بووە بەسەر دوو بەرەی جیاوازدا، بۆیە دەبێت هەموومان وەک یەک نەتەوە هەوڵی ڕاماڵێنی ئەو جیاوازییە بدەین و پردی پەیوەندی هاوبەش لەنێوانماندا درووستبکەینەوە، بۆیە دەبێت هەموومان هاوکاری بایدن و کامالای جێگری بین".