گه‌ڕان

Shadow Shadow
سیاسه‌تی

پەیامێک لە هەڵمەتی ترەمپەوە

تەپڵی سەرکەوتنی بایدن لێدەدرێت بەڵام هەڵمەتی ترەمپ قسەیەکی دیکە دەکات

2020.11.07 - 22:10
App store icon Play store icon Play store icon
تەپڵی سەرکەوتنی بایدن لێدەدرێت بەڵام هەڵمەتی ترەمپ قسەیەکی دیکە دەکات

ناس کورد-

هەرچەندە لە شەقامەکانی ئەمریکا تەپڵی سەرکەوتنی جۆ بایدن لە هەڵبژاردنەکاندا لێدەدرێت، بەڵام هەڵمەتی هەڵبژاردنی دۆناڵد ترەمپ لە پەیامێکدا دەڵێت هەڵبژاردن كۆتایی نەهاتووە.

کەناڵی ناس کورد لە تێلیگرام جۆین بکە   

 

لەڕاگەیەندراوێكدا هەڵمەتی هەڵبژاردنی ترەمپ (شەممە 7ی تشرینی دووەمی 2020) ڕایگەیاند: " جۆ بایدن پەلە دەكات لە ڕاگەیاندنی سەرکەوتنی خۆی، هەمووان ئەوە دەزانین هەڵبژاردنەكان كۆتاییان نەهاتووە و سەركەوتنی بایدن لە هیچ ویلایەتێك بە فەرمی نەسەلمێندراوە".

 

ئاماژە بەوەشکراوە: "ئەو ولایەتانەی سەرلەنوێ جیاكردنەوەی دەنگیان تێدا ئەنجامدەدرێت و ئەوانەشی کە کێشەی یاساییان بۆ دروست بووە،  سەركەوتوو دیاریدەكەن و هێشتا ئەوانە یەکلایی نەبوونەتەوە."

 

ئەوەش لەکاتێکدایە، بەشێکی زۆر لە میدیاکانی ئەمریکا سەرکەوتنی جۆ بایدنیان بەسەر ترەمپدا ڕاگەیاند و بایدنیش لە تویتەر خۆی وەک سەرۆکی هەڵبژێردراوی ئەمریکا ناساند و لە بەشێک لە وڵاتانیشەوە پیرۆزبایی لێدەکرێت.