گه‌ڕان

Shadow Shadow
سیاسه‌تی

فڕێدانی منداڵ لە هەرێم

هەرێم؛ فڕێدانی منداڵ زیادیکردووە.. ’’دروستبوونی منداڵی ناشەرعی هۆکارە’’

2020.11.07 - 21:04
App store icon Play store icon Play store icon
هەرێم؛ فڕێدانی منداڵ زیادیکردووە.. ’’دروستبوونی منداڵی ناشەرعی هۆکارە’’

ناس کورد – هەڤاڵ  فەتاح

 

وتەبێژی دەستەی مافی مرۆڤی هەرێم ڕایگەیاند، لەسەرەتای ئەمساڵەوە تاوەکو ئێستا پێنج منداڵی تازە لەدایکبوو لە هەرێمی کوردستان بە فڕێدراوی دۆزراونەتەوە، دەشڵێت، هۆکاری سەرەکی ئەو حاڵەتەش کێشەی دارایی خێزانەکان، یاخود دروستبوونی منداڵی ناشەرعییە.

کەناڵی ناس کورد لە تێلیگرام جۆین بکە   

 

محەمەد گۆمەشینی، وتەبێژی دەستەی مافی مرۆڤی هەرێمی کوردستان (شەممە 7ی تشرینی دووەمی 2020) بە ناس کوردی ڕاگەیاند: " بەگوێرەی ئەو داتایانای لامان تۆمارکراون، لەسەرەتای ئەمساڵەوە تائێستا، پێنج منداڵی تازەلەدایکبوو لە هەرێمی کوردستان فڕێدراون، ناشزانین تا کۆتایی ساڵ حاڵەتی دیکە تۆماردەکرێت یاخود نا." 

 

وتەبێژی دەستەی مافی مرۆڤ ئاماژەی بەوەشكرد، ساڵی ڕابردوو چوار حاڵەت تۆمارکرابوون و بەراورد بەوە، لەمساڵدا تائێستا حاڵەتێک زیادیکردووە. 

 

بەوتەی محەمەد گۆمەشینی، فڕێدانی منداڵی تازەلەدایکبوو لەهەرێمی کوردستان تائێستا لەچوارچێوەی حاڵەتدایە و نەبووە بەدیاردە.

 

وتەبێژی دەستەی مافی مرۆڤی کوردستان هۆکاری سەرهەڵدانی ئەو حاڵەتانەش دەگەڕێنێتەوە بۆ خراپی دۆخی دارایی و کۆمەڵایەتی  خێزانەکان کە ناچاریان دەکات منداڵەکانیان بەو شێوەیە فڕێبدەن،. 

 

دەشڵێت:"هەروەها کرانەوەی هەرێمی کوردستان بەڕووی جیهانی دەرەوە لەڕێگەی تێکەڵاوبوون و بەکارهێنانی ئامێرەکانی پەیوەندی و تۆڕە کۆمەڵایەتییەکان بەشێوەی خراپ و دروستبوونی منداڵی ناشەرعی هۆکاری سەرەکی ڕوودانی حاڵەتەکانن".

 

ئێوارەی دوێنێ هەینی، وتەبێژی پۆلیسی هەولێر بە ناس کوردی ڕاگەیاند، منداڵێکی تازە لەدایکبووی فڕێدراویان دۆزیوەتەوە کە ڕەگەزی مێیە و تەمەنی تەنها دوو ڕۆژە.