گه‌ڕان

Shadow Shadow
سیاسه‌تی

’’پەناگە نوێیەکەى داعش’’

’’ناوچەى ئاگرین’’ گەڕانەوەى ئاوارەکانى لە هەرێمەوە پەکخستووە

2020.11.07 - 09:25
App store icon Play store icon Play store icon
’’ناوچەى ئاگرین’’ گەڕانەوەى ئاوارەکانى لە هەرێمەوە پەکخستووە

ناس کورد-

لیژنەى ئاسایش و بەرگريي پەرلەمانى عێراق رایگەیاند، بوونى چەکدارانى داعش لە ژمارەیەک گوندى سنورى دیالە و سەڵاحەدین هۆکارى دواکەوتنى گەڕانەوەى ئاوارەکانە بۆ سەر زێدى خۆیان.

کەناڵی ناس کورد لە تێلیگرام جۆین بکە   

 

رۆژنامەى سەباحى فەرمى (7ى تشرینى دووەمى 2020) بڵاویکردەوە، عەبدولخالق عەزاوى، ئەندامى لیژنەى ئاسایش و بەرگرى پەرلەمان رایگەیاندووە، سنورى جیاکەرەوەى نێوان دیالە و سەڵاحەدین 14 گوندى دابڕاو لەخۆدەگرێت کە ماوەى شەش ساڵە وەک خۆیان ماونەتەوە و هیچ ئاوارەیەک نەگەڕاوەتەوە بۆ ئەو گوندانە.

 

وتیشى، "ئەو گوندانە هاوشێوەى ناوچەى ئاگرینیان لێهاتووە، بەهۆى بوونى چەکدارانى داعش کە خۆیان لە ماڵەکاندا حەشاردەدەن و لەوێوە هێرشدەکەنە سەر هێزە ئەمنییەکان و گوندەکانى دیکە".

 

عەزاوى دەڵێت، هیواهەیە یەکەم قۆناغى گەڕانەوەى ئاوارەکان بۆ ئەو گوندانە سەرەتاى ئەم هەفتەیە دەستپێبکات، وەک هەنگاوى یەکەم بۆ یەکلاییکردنەوەى ئەو دۆسیەیە.



بەپێی ئامارەکانى وەزارەتى کۆچ و کۆچبەرانى عێراق، لە ئێستادا 291 هەزار و 55 ئاوارە کە بەسەر 59 هەزار و 316 خێزاندا دابەشبوون لە 47 کەمپ نیشتەجێن، کە زۆربەیان لە دهۆک و موسڵ و هەولێرن.