گه‌ڕان

Shadow Shadow
سیاسه‌تی

ترەمپ: لە کۆنتڕۆڵ دەرچووە

ترەمپ بە تویتەردا تەقییەوە و دەڵێت: ’’لەژێر کۆنترۆڵ دەرچووە’’

2020.11.06 - 19:40
App store icon Play store icon Play store icon
ترەمپ بە تویتەردا تەقییەوە و دەڵێت: ’’لەژێر کۆنترۆڵ دەرچووە’’

ناس کورد-

دۆناڵد ترەمپی سەرۆکى ئەمەریکا هێرشى توندى کردەسەر تۆڕى کۆمەڵایەتى توێتەر و بەوە تۆمەتبارى کرد کە لەژێر کۆنترۆڵ دەرچووە، ئەوەش دواى ئەوەى تویتەر نیشانەیەکى هۆشدارى لەسەر پۆستێکى ترەمپ دانا کە گومانى لە جیاکردنەوەى دەنگەکانى هەڵبژاردن دروست کردبوو.

کەناڵی ناس کورد لە تێلیگرام جۆین بکە   

 

لەتوێتێکى دا کە لەهەژمارى فەرمیی خۆی بڵاوى کردووەتەوە و ناس کورد بەدواداچوونى بۆ کردووە، دۆناڵد ترەمپى سەرۆکى ئێستاى ئەمەریکا (6ى تشرینى دووەمى 2020) نوسیوویەتى: " تویتەر لەژێر کۆنترۆڵ دەرچووە و حکومەت لەڕێگەى مادەى 230 یاساى ئادابى پەیوەندییەکان ئەو جۆرە دەسەڵاتەیان بەو کۆمپانیایانە داوە و لەبەرامبەر یاسادا پارێزبەندییان هەیە." 

 

ترەمپ لەتویتەکەى پێشتریشدا ڕایگەیاند، گەر دەنگە یاساییەکان بژمێردرێن ئەوا بەئاسانى هەڵبژاردنەکە دەباتەوە.

 

ئاماژەى بۆ ئەوەشکردبوو، ئەگەر دەنگە نایاساییەکان هەژمار بکرێن، ئەوان دەتوانن هەڵبژاردنەکە بدزن و دەبێت دادگاى باڵا لەو بارەیەوە بڕیارێک بدات.

 

دواتر لەلایەن کۆمپانیاى توێتەرەوە نیشانەى هۆشدارى خرایە سەر پۆستەکەى ترەمپ بەوەى ناکۆکى لەناوەڕۆکى پۆستەکەیدا هەیە یاخود لەگەڵ بنەماکانى بەشدارى کردن لەهەڵبژاردنەکەدا نایەتەوە.