گه‌ڕان

Shadow Shadow
سیاسه‌تی

’’ئاڵۆزى زیاتر’’

هیچ خاڵێکی ڕێککەوتنى شنگال ’’جێبەجێنەکراوە’’

2020.11.06 - 15:39
App store icon Play store icon Play store icon
هیچ خاڵێکی ڕێککەوتنى شنگال ’’جێبەجێنەکراوە’’

ناس کورد- هەڤاڵ فەتاح 

 

بەرپرسی مەڵبەندی 15ی یەکێتی نیشتیمانی کوردستان لەشەنگال ڕایگەیاند، تائێستا هیچ خاڵێکی ڕێککەوتنەکەی نێوان حکومەتی عێراق و هەرێمی کوردستان لەبارەی قەزاکەوە جێبەجێنەکراوە.

کەناڵی ناس کورد لە تێلیگرام جۆین بکە   

 

داود جوندی، بە ناس کوردی ڕاگەیاند (6ی تشرینی دووەمی 2020)، " تائێستا هیچ خاڵێکی ڕێککەوتنەکە لە بارەی شنگالەوە جێبەجێنەکراوە، ڕێککەوتنەکە ئاستەنگی زۆری تێدایە، چونکە مۆرکێکی سیاسی پێوە دیارە لە بری ئەوەی مۆرکێکی مرۆیی پێوە بێت".

 

وتیشی "خاڵی لاوازى زۆر لەناو ڕێککەوتنەکەدا هەیە کە بەهیچ شێوەیەک لە بەرژەوندی خەڵکی شەنگالدا نییە و نابێتە مایەی سەقامگیریی سنورەکە".

 

داود جوندی پێیوایە، دەرکردنی هێزەکانی ( یەبەشە) لە ناوچەکەدا کەهێزێکی چەکداریی فەرمیی ئیزیدییەکانە و سەربەدەستەی حەشدی شەعبیە، بەبیانووی ئەوەی هەمان ئایدۆڵۆژیای( پەکەکە)یان هەیە، "زیاتر دۆخە ئاڵۆز دەکات و دەبێتە ڕێگر لەبەردەم جێبەجێکردنی ڕێککەوتنەکە".

 

بەرپرسی مەڵبەندی 15ی یەکێتی لە شەنگال ئەوەشی ڕوونکردەوە "خەڵکی شەنگال و هەموو لایەنە سیاسییەکانی قەزاکە لەگەڵ ئەو ڕێککەوتنەدا نین، هاوڵاتییانی شارەکەش دەیان جار ناڕەزایەتی و خۆپیشاندانیان دژی ئەنجامداوە".

 

ڕۆژی ھەینی (9ی تشرینی یەکەمی 2020)، ھەردوو حکومەتی عێراق و ھەرێمی کوردستان ڕێککەوتنێکیان بۆ ئاسایی کردنەوە دۆخی شنگال واژوو کرد و ڕێککەوتنەکەش بە مێژووی وەسفکرا.          

 

بەپێی ڕێککەوتنەکە، قائيمقامێكى نوێ بۆ شنگال دياريدەكرێت كە كەسێكى دەستپاك و پيشەيى و سەربەخۆ بێت و قبوڵكراو بێت و هەروەها لەلايەن ليژنەى پێكهێنراوى هاوبەش پۆستە ئيدارييەكانى تر دادەنرێت.        

  

هەر بەگوێرەی ڕێککەوتنەکە، سەرجەم پێكهاتە چەكداريیەكانى تر دەكرێنە دەرەوە و 2500 ئەندام بۆ هێزى ئاسايشى ناوخۆيى دادەنرێن و ئاوارەكانى خێوەتگەكان كە خەڵكى شنگالن بەشداريان پێدەكرێت، هەروەها كۆتايى بەبوونى پەكەكە لە شنگال و دەوروبەرى دەهێنرێت و بونيان نامێنێت لەناوچەكە.