گه‌ڕان

Shadow Shadow
سیاسه‌تی

تا کەى بۆیان هەیە کاربکەن؟

چەند بڕیارێکی نوێ لە قائیمقامییەتی سلێمانییەوە تایبەت بە ڕێستۆرانت و کافتریاکان

2020.11.05 - 17:34
App store icon Play store icon Play store icon
چەند بڕیارێکی نوێ لە قائیمقامییەتی سلێمانییەوە تایبەت بە ڕێستۆرانت و کافتریاکان

ناس کورد- 

راگه‌یاندنی قائیمقامیه‌تی سلێمانی بڵاویکردەوە، کاتى کارکردنى کافتریان و ریستۆرانتەکان دیاریکراوە و پێویستە لەمەولا تا کاتژمێر 12 ى شەو کاربکەن.

کەناڵی ناس کورد لە تێلیگرام جۆین بکە   

 

راگه‌یاندنی قائیمقامیه‌تی سلێمانی (5ى تشرینى دووەمى 2020) لە زارى له‌شكر حه‌مید، سه‌رۆكی لیژنه‌ هاوبه‌شه‌كان بڵاویکردوەتەوە: "به‌مه‌به‌ستی رێگریكردن له‌ زیاتر بڵاوبوونه‌وی ڤایرۆسی كۆرۆنا و دورخستنه‌وه‌ی مه‌ترسییه‌كانی كاره‌سات، لیژنه‌ هاوبه‌شه‌كانی قائیمقامیه‌تی رێكاری نوێ خۆپارێزی ده‌گرێته‌به‌ر، پێویسته‌ له‌سه‌رجه‌م شوێنه‌كانی كاركردندا جێبه‌جێ بكرێت."

 

باسى لەوەشکردوە: "پێویسته‌ له‌ سه‌رجه‌م دوكان و بازاڕ و شوێنه‌ گشتییه‌كان و ئه‌و كارمه‌ندانه‌ی كاریان تێدا ده‌كه‌ن، له‌گه‌ڵ سه‌رجه‌م مه‌رجه‌كانی كاركردنی دیكه‌دا پابه‌ندی رێكاره‌كانی خۆپارێزیبن له ‌به‌كارهێنانی ده‌مامك، ماده‌ی پاكژكردنه‌وه‌ و هه‌روه‌ها رێگری بكه‌ن له‌ دروستبونی قه‌ره‌باڵغی و به‌ریه‌ككه‌وتن."

 

سەرۆکى لیژنە هاوبەشەکان رونیشیکردوەتەوە: "به‌پێی یاسا و رێنماییه‌كان پێویسته‌‌ كافتریا و ریستۆرانت تا کاتژمێر 12ی شه‌و كاربكه‌ن، لیژنه‌كان به‌هاوكاری به‌ڕێوه‌به‌رایه‌تی پۆلیس و ئاسایشی سلێمانی به‌دواداچون بۆ ئه‌و شوێنانه‌ ده‌كه‌ن، پابه‌ند نه‌بن به‌ كاتی دیاریكراوه‌وه‌ و هه‌ر شوێنێك سه‌رپێچی بكات ده‌ستبه‌جێ تا كاتێكی نادیار داده‌خرێت."