گه‌ڕان

Shadow Shadow
سیاسه‌تی

لێدوانى گومرگ لەبارەى زیادبوونى داهاتەوە 

2020.11.05 - 11:07
App store icon Play store icon Play store icon
لێدوانى گومرگ لەبارەى زیادبوونى داهاتەوە 

ناس کورد- 

دەستەى گشتى گومرگى عێراقى ڕایگەیاند، دەستکەوتى باش بەدەستهاتووە و داهاتى دارایى زیادیان کردووە و سنور بۆ کۆمەڵێک کارى نایاسایش دانراوە.

 

کەناڵی ناس کورد لە تێلیگرام جۆین بکە   

لەلێدوانێکیدا بۆ ڕۆژنامەى سەباحى عێراقى کە ناس کورد بەدواداچوونى بۆ کردووە، لەبارەى سەردانەکەى دوێنێ (چوارشەممە)وە بۆ بەندەرى ئوم قەسر لەبەسڕە، سادیق هوەیدى بەڕێوەبەرى گشتى گومرگەکانى عێراق ڕایگەیاند (5ى تشرینى دووەمى 2020)، سەردانەکەى بۆ بەدواداچوونى ڕێوشوێنە گومرگییەکان بووە کە دەگیردرێتە بەر، ئەوەش بەپێى هەنگاوە چاکسازییەکانى سەرۆک وەزیران بۆ ڕێکخستنەوەى بەندەر و خاڵە سنورییەکان.

 

ئاماژەى بۆ ئەوەش کرد، گۆڕانکارى باشیان ئەنجامداوە و دەستکەوتى بەرچاویان بەدەستهێناوە لەمامەڵە گومرگییەکان و ڕێکسختنەوەى کاتى مامەڵەکان و هەروەها زیادبوونى قەبارەى داهات و سنوردانان بۆ قاچاخچێتى و کارى ساختەکردن لەو خاڵە سنورییانەدا.

 

بەڕێوەبەرى گشتى گومرگى عێراق ئەوەشى ئاشکرا کرد، بەهەماهەنگى لەگەڵ دەستەى خاڵە سنورییەکاندا پلانێکى هاوبەشیان داناوە بەمەبەستى زۆرکردنى داهاتە گومرگییەکان و دابینکردنى گۆڕەپانێک بۆ پشکینن و سۆنەرکردنى کاڵا و شتومەکەکان.