گه‌ڕان

Shadow Shadow
سیاسه‌تی

ئەگەر ترەمپ بڕوات لەبەرژەوەندی ئەردۆغانە یان زیان؟

2020.11.04 - 22:55
App store icon Play store icon Play store icon
ئەگەر ترەمپ بڕوات لەبەرژەوەندی ئەردۆغانە یان زیان؟

ناس كورد- 

نوسەرێکى دیارى پێگەى بلومبێرگى ئەمریکى دەڵێت، رەجەب تەیب ئەردۆغان سەرۆک کۆمارى تورکیا یەکێک لەو کەسانەى کە لە هەموان زیاتر زیان دەکات ئەگەر دۆناڵد ترامپ هەڵبژاردنى سەرۆکایەتى ئەمریکا نەباتەوە.

 

کەناڵی ناس کورد لە تێلیگرام جۆین بکە   

مارک چامبیۆن لە وتارەکەیدا کە چەندین نوسەرى تر بەشداریان تێدا کردوە، (4ى تشرینى یەکەمى 2020)، نوسیویەتى، ئەگەر کەسێک هەبێت لە محەمەد بن سەلمان شازادەى جێنشینى سعودیە زیاتر پشت بە دۆناڵد ترامپ ببەستێت ئەوا ئەو کەسە ڕەجەب تەیب ئەردۆغان سەرۆک کۆمارى تورکیایە.

 

ڕونیشیکردوەتەوە، ترامپ خۆى خستە نێوان تورکیا و ئەو سزایانەى کۆنگرێسى ئەمریکا بەسەر ئەردۆغاندا سەپاندى بەهۆى کڕینى سیستمى بەرگرى موشەکى S-400ى ڕوسى ئەوەش سەرەڕاى ئەوەى ئەنقەرە ئەندامى ناتۆیە.

 

نوسەرەکە دەشڵێت، بەهۆى پەیوەندیە تایبەتیەکانى نێوانیان ئەردۆغان توانى بڕوا بە ترامپ بهێنێت بۆ کشاندنەوەى هێزەکانى ئەمریکا لە ناوچە کوردیەکان لە باکورى سوریا تا بتوانێت هێزەکانى وڵاتەکەى بنێرێت بۆ کۆنترۆڵکردنى ئەو ناوچانە، ترامپیش ئەو بڕیارەى بەبێ ڕاوێژکردن بە وەزارەتى بەرگرى "پنتاگۆن" و هاوپەیمانەکانى لەشەڕى دژى داعش داوە وەک بەریتانیا و فەرەنسا و هێزە کوردیەکان کە تورکیا بە تیرۆرستیان دەناسێت.

 

چامبیۆن لە درێژەى وتارەکەیدا جه‌ختی کردوەتەوە، سەرەڕاى بوونى سزاکانیش جۆ بایدن پاڵێوراوى دیموکراتەکان پێشتر هانى وڵاتەکەى دەدات پشتگیرى ئۆپۆزسیۆنەکانى تورکیا بکات، بۆیە ئەردۆغان یەکێک لە زەرەرمەندترین کەسەکان دەبێت ئەگەر ترامپ هەڵبژاردن بدۆڕێنێت.