گه‌ڕان

Shadow Shadow
سیاسه‌تی

هه‌واڵێكی خۆش له‌ وه‌زیری ته‌ندروستی هه‌رێمه‌وه‌ له‌باره‌ی كۆرۆناوه‌  

2020.11.04 - 19:24
هه‌واڵێكی خۆش له‌ وه‌زیری ته‌ندروستی هه‌رێمه‌وه‌ له‌باره‌ی كۆرۆناوه‌  

ناس كورد- 

وەزیری تەندروستی حکومەتى هەرێمى کوردستان ڕایگه‌یاند، ئەگەر هاوڵاتیان پابەندبن بەسەر کۆڕۆنا زاڵ دەبین، جه‌ختیش دەکاتەوە کە ڕێژەى توشبون چەند ڕۆژێکە بەرەو کەمبونەوه‌ دەچێت.

 

دكتۆر سامان بەرزنجی وەزیری تەندروستی حکومەتى هەرێمى کوردستان لە ڕاگەیەنراوێکدا کە وێنه‌یه‌كی ده‌ست ناس كورد كه‌وتووه‌ ئاماژه‌ی به‌وه‌ كرد (4ى تشرینى یەکەمى 2020)، ئەگەر هاوڵاتیان پابەندی ئامۆژگاریەکانی تەندروستی بن، دڵنیابن بەسەر کۆڕۆنا زاڵ دەبین و کوردستان سەلامەت دەبێت.

 

هێماى بۆ ئەوەشکرد، لەگەڵ ڕێکارەکانی بڕیاردراوی هەفتەی ڕابردوو، ژمارە و ڕێژەی توشبون چەند ڕۆژێکە بەرەو کەمبونەوە دەچێت، خۆشبەختانە ڕێژی مردنیش بەرەو کەمی دەچێت.

 

بەپێى ڕاگەیەندراوى وەزارەتى تەندروستى، لەمانگى 7ى ئەمساڵ 7086 کەس توشى کۆرۆنا بوون بەڕێژەى 11.3% و هەر لەو مانگەدا ڕێژەى مردن 4.4% بوە، لەمانگى 8یشدا ژمارەى توشبون 14027 کەس بوون بە ڕێژەى 13.6% و ڕێژەى مردن  دابەزیوە بۆ 3.6%.

 

بەپێى خشتەکە، هەروەها لە مانگى 9ى ئەمساڵدا ژمارەکە بەرزتر بوەتەوە بۆ 17570 بە ڕێژەى 12.2% و ڕێژەى مردن زیاتر دابەزیوە بۆ 3.5%، هەرچى مانگى 10یشە 23141 کەس توشى کۆرۆنا بوون بە ڕێژەى 14.9% و ڕێژەى مردن بەردەوام بووە لە دابەزین و هاتوەتە خوارەوە بۆ 2.8%.