گه‌ڕان

Shadow Shadow
سیاسه‌تی

ئایا شەرعییە؟

فەتوایەک لەبارەى ماکیاژکردنى ئافرەتانى باڵاپۆشەوە

2020.11.04 - 11:05
App store icon Play store icon Play store icon
فەتوایەک لەبارەى ماکیاژکردنى ئافرەتانى باڵاپۆشەوە

ناس کورد-

خانەى فەتواى میسرى ماکیاژێکی تەنک بۆ ئەو ئافرەتانەى کە باڵاپۆشن بەڕەوا و شەرعى دەزانێت و دەشڵێت، گەر مەبەستەکە بۆ شاردنەوەى پەڵەکانى دەموچاو بێت ئەوا ڕێگە پێدراو و ڕەوایە.

کەناڵی ناس کورد لە تێلیگرام جۆین بکە   

 

دکتۆر ئەحمەد مەمدوح ئەمیندارى فەتوا لە خانەى فەتواى میسرى لەلایڤێکدا کە لە لاپەڕەى فەرمی خۆى لە فەیسبوک بڵاویکردووەتەوە و ناس کورد بەدواداچونى بۆ کردووە ڕایگەیاندووە (3ى تشرینى دووەمى 2020) "ئافرەتان هەر بەسروشتى خۆیان حەزیان بەخۆڕازاندنەوەیە و شەرعیش ئەوەى لێ قەدەغە نەکردوون، بەڵکو داواى لێکردوون هەندێ شوێنى جەستەیان دابپۆشن و باڵاپۆشبن".

 

ئاماژەى بۆ ئەوەشکردووە، ماکیاژکردنى کاڵى لێوەکان یاخود دەموچاو کە وابکات پەڵەى دەموچاوى ئافرەت بشارێتەوە ئەوەى کە پێدەوترێت ماکیاژى کاڵ ئەوا ڕەوایە و ڕەنگە ئەو جۆرە ماکیاژەش زۆر هەستى پێنەکرێت چونکە کاڵە و مەبەست لێى تەنها بۆ داپۆشینى پەڵەکانى دەموچاوە.