گه‌ڕان

Shadow Shadow
سیاسه‌تی

هەوڵێکی دیکە شکستی هێنا

بەرپرسانی ئیمڕاڵی جارێکی تر پارێزەرانی ئۆجەلانیان بێئومێد کرد

2020.11.03 - 23:36
App store icon Play store icon Play store icon
بەرپرسانی ئیمڕاڵی جارێکی تر پارێزەرانی ئۆجەلانیان بێئومێد کرد

ناس کورد-

داواکارى پارێزەرانى عەبدوڵا ئۆجەلان، ڕێبەرى زیندانیکراوى پارتى کرێکارانى کوردستان "پەکەکە" بۆ چاوپێکەوتن لەگەڵ ناوبراو لەلایەن دەسەڵاتدارانى تورکیاوە ڕەتکرایەوە.

کەناڵی ناس کورد لە تێلیگرام جۆین بکە   

 

ماڵپەڕى ڕۆژ نیوزى سەر بە پەکەکە (3ى تشرینى دووەمى 2020) بڵاویکردوەتەوە، پارێزەران "نەورۆز ئویساڵ، فایەق ئوزگور ئەرۆل، جەنگیز یورەکلی و مەزلۆم دینچ" سەردانی داواکاری کۆماری بۆرسەیان کردوە و داوایان کردوە چاوپێکەوتن لەگەڵ بریگرتەکەیان "عەبدوڵا ئۆجەلان" ئەنجام بدەن.

 

ئەوەش هاتوە، بەڵام داواکاریەکە لەلایەن داواکاری کۆماریەوە بە بیانوی قەدەغەی چاوپێکەوتن بۆ شەش مانگ ڕەتکراوەتەوە، کە بڕیارەکە لەلایەن دادگای ئینفازی بۆرساوە درابوو.

 

پێگەکە هێماى بۆ ئەوەشکردوە، "ڕەزان ساریجا و نەورۆز ئویسال"ى پارێزەرانی ئۆجالان دوای هەشت ساڵ لە ساڵی 2019دا پێنج جار چاوپێکەوتنیان لەگەڵ ئۆجەلان ئەنجامداوە، لەوکاتەوە هەموو داواکارییەکانی سەردانیان ڕەتدەکرێتەوە.