گه‌ڕان

Shadow Shadow
سیاسه‌تی

’’بە ئەمبوڵانسێک ڕادەست کرانەوە’’

دەنگی خاک ڕووداوی ڕادەستكردنی شەش پێشمەرگەی دیموكرات بە ئێران دەگێڕێتەوە

2020.11.03 - 22:41
App store icon Play store icon Play store icon
دەنگی خاک ڕووداوی ڕادەستكردنی شەش پێشمەرگەی دیموكرات بە ئێران دەگێڕێتەوە

ناس کورد-

حەمەی حەمە سەعید لە بیرەوەرییەكانیدا باس لەوە دەكات ئەوكاتەی یەكێتی لەدوای 31 ئاب پاشەكشەی كردبوو بۆ ئێران، پارتی هێز و مەفرەزەكانی حیزبی دیموكراتی بەكارهێناوە وەك كارتی گوشار و بەم هۆیەشەوە مەفرەزەیەكی شەش كەسیان كەوتوونەتە دەست بەرپرسێكی بزوتنەوەی ئیسلامی و ئەویش رادەستی ئێرانی كردوون.

کەناڵی ناس کورد لە تێلیگرام جۆین بکە   

 

لە بەرگی دووەمی "دەنگی خاك" كە (1 تشرینی دووەمی 2020) بە ئامادەیی "ناس كورد" لە سلێمانی بڵاوكرایەوە، بەرپرس و فەرماندەی پێشووی یەكێتی و وەزیری رۆژشنبیری ئێستا، حەمەی حەمە سەعید، باس لەوە دەكات مەفرەزەیەكی دیموكرات لە مانگی ئۆكتۆبەری 1996 نێردراون بۆ سنوری پاوە، لە چوارچێوەی بەكارهێنانی ئەم هێزە وەك كارتێكی گوشار لەلایەن پارتییەوە لەسەر ئێران، لە گەڕانەوەیاندا لەلایەن بزوتنەوەی ئیسلامییەوە دەستگیر كراون بەناوی میوانداری و پاش چەككردنیان دواتر بەرپرسێكی ئەم حیزبە "ئەنوەر عەنەبی" لە تەوێڵەوە لە ناو ئەمبوڵانسێكدا رادەستی ئێرانی كردوونەتەوە.

 

زیاتر بخوێنەوە: دەنگی خاك: مام جەلال بە دوو بەرپرسی یەكێتی وت دووبارەی بكەنەوە دەرتان دەكەم  

زیاتر بخوێنەوە: دەنگی خاك: كوژرانی پۆلێك پێشمەرگەی پارتی بە فەرماندەیی مەلا بەختیار  

زیاتر بخوێنەوە: دەنگی خاك: مام جەلال بە دوو بەرپرسی یەكێتی وت دووبارەی بكەنەوە دەرتان دەكەم


هەر لەكتێبەكەدا بەڵگەنامەیەك بڵاوكراوەتەوە كە وەڵامی باڵیۆزی ئێران لە بەریتانیا مورتەزای سەرمەدی، هاوپێچە بۆ لیژنەی مافی مرۆڤی پەڕلەمانی ئەو وڵاتە كە باس لەوە دەكات حەوت كەسی یاساغی حیزبی دیموكرات، پاسدارێكی خانەنشینیان كوشتووە "غوڵامی موعازی"، لە گەڕانەوەشیاندا بۆ كوردستانی عێراق لەگەڵ بزوتنەوەی ئیسلامی بەشەڕهاتوون و شەش كەسیان كوژراون، حەوتەمیشیان بەناوی "داریوشی ئیسلام" لەرێگەی حەمەی حەمە سەعیدەوە وەرگیراوەتەوە و ئازاد كراوە و ئێستا لە وڵاتی سوید دەژی.

me_ga.php?id=1409  

"دەنگی خاك" بیرەوەرییەكانی حەمەی حەمە سەعیدە، لە دوو بەرگ و زیاتر لە 1600 لاپەڕە پێكدێت، بیرەوەرییەكانی نێوان ساڵانی 1976 _ 1991 ی پێشمەرگایەتی و لێپرسراوێتی ئەم فەرماندەیەی یەكێتی لە خۆدەگرێت و ئێوارەی (1 تشرینی دووەمی 2020) لە سلێمانی لە مەراسیمێكدا بەئامادەیی نووسەر كە ئێستا وەزیری ڕۆشنبیرییە بڵاوكرایەوە.me_ga.php?id=1411