گه‌ڕان

Shadow Shadow
سیاسه‌تی

ترەمپ یان بایدن؟

محەمەدی حاجی مەحمود مژدەى سەرکەوتن دەدات

2020.11.03 - 20:20
App store icon Play store icon Play store icon
محەمەدی حاجی مەحمود مژدەى سەرکەوتن دەدات

ناس کورد-

محەمەد حاجی مەحمود لە تویتێکدا مژدەی سەرکەوتنی جۆ بایدنی ڕاگەیاند و دەڵێت، چونکە ترەمپ هۆکاری قوربانیانی کۆرۆنایە لە ئەمریکا و هەروەها قوربانییەکانی داگیرکردنی ڕۆژئاوای کوردستان و کەرکوک.

کەناڵی ناس کورد لە تێلیگرام جۆین بکە   

 

محەمەدی حاجی مەحمود، سکرتێری حزبی سۆسیالیست دیموکراتی کوردستان (سێشەممە، 3ی تسرینی دووەمی 2020) لە تویتێکدا ڕایگەیاند: "مژدەی سەرکەوتنی بایدنتان دەدەمێ، چونکە ترەمپ سەبەبی زیاتر لە 200,000 هەزار قوربانی و 9,000,000 ملیۆن توشبووی کۆرۆنایە لە ئەمریکادا."



ئاماژەی بەوەشكردووە: "هەروەها قوربانییەکانی داگیرکردنی کوردستانی ڕۆژئاوا و کەرکوک و بەشێکی زۆری کوردستانی باشور."

 

پێشتریش محەمەدی حاجی مەحمود ئاماژەی بەوەکردبوو: "حزبەکەی ترەمپ لە حزبەکەی بایدن بۆ کورد باشتر بوو، بەڵام ترەمپ لە هەردوو حزبەکە بۆ کورد خراپتر بوو، ترەمپ دەبابە و چەکی دوا مۆدێلی تەکنەلۆجیای دا بە عێراق و دژی کورد وەستایەوە، پێشمەرگە بە چەکی ئەمریکی ترەمپ و ئەمری پەڕڵەمان و بە جێبەجێ کردنی عەبادی، کەرکوک و خانەقین و دوس و داقوق و دبس و مەخمور و عەین زالە و سنجاریان تەسلیم بە عەرەب کردەوە و کورد % 51 خاکی کوردستانی لە دەست دا."

 

ئەوەشی خستبووەڕوو: "لە خاکی کوردستانی سوریاش عەفرین و سەرێکانی و زۆر ناوچەی دیکەی بە ڕەسمی تەسلیمی تورکیا کرد لە ڕێگای نوێنەری تایبەتی خۆیەوە و ئێستا بەشێکی زۆری کوردستانی ڕۆژئاوا تەسلیم بە تورکیا کراوە لەسەر دەستی ترەمپ، بۆیە لەم ڕاستییانە نە کورد خۆی بە گێل بزانێ و نە ئەوانیش بە گێل بزانێ."

 

محەمەدی حاجی مەحمود باسی لەوەشکردبوو: " دەرچوونەوەی ترەمپ کارەساتی گەورەتری بە دواوەیە و لە هەموو حاڵەتەکاندا هەرچەندە کورد ڕەنگە ئەو ژمارەیە نەبێت گۆڕانکاری گەورە لەسەر هەڵبژاردنەکانی ئەمریکا دانێت یان بکات، بەڵام هەموو کورد یا هەر کوردێک لە هەر کوێی جیهان بێت دەبێت پشتیوانی لە بایدن بکات، هیوادارین خەڵکی ئەمریکاش درک بەو ڕاستییانە بکەن هەر چەندە سیاسەتی ئەمریکا دامەزراوەییە و گۆڕانی زۆر تێدا ناکرێت، بەڵام کەسایەتی سەرۆک دەتوانێ ڕاڕەوەکە بگۆڕێت لەوەی ئێستا هەیە."