گه‌ڕان

Shadow Shadow
سیاسه‌تی

چۆن دۆزرایەوە؟

منداڵێک دواى 91 کاتژمێر لە بومەلەرزەکەى تورکیا لەژێر داروپەردودا رزگارکرا

2020.11.03 - 15:51
App store icon Play store icon Play store icon
منداڵێک دواى 91 کاتژمێر لە بومەلەرزەکەى تورکیا لەژێر داروپەردودا رزگارکرا

ناس کورد-

تیمەکانى فریاگوزاریی توانیان منداڵێکى تەمەن سێ ساڵان لەژێر داروپەردى بینایەکدا رزگاربکەن کە بەهۆى بومەلەرزە بەهێزەکەى تورکیاوە داڕوخابوو، ئەوەش دواى تێپەڕبوونى 91 کاتژمێر بەسەر رووداوەکەدا.

 

کەناڵی ناس کورد لە تێلیگرام جۆین بکە   

تونج سویار سەرۆکى شارەوانى ئیزمیر لە تویتێکدا کە ناس کورد بەدواداچونى بۆ کردووە رایگەیاند (3 تشرینی دووەمی 2020)، "موعجیزەیەکمان بینى دواى 91 کاتژمێر لە بومەلەرزەکە،  تیمەکان توانیان منداڵێک رزگاربکەن کەهێشتا لە ژیاندایە".

 

منداڵەکە کە ناوى عایدە جیزغینە لەژێر داروپەردى بینایەکدا لە شارى بایرقلى رزگارکرا، کە گەورەترین زیانى بەرکەوتووە بەهۆى بومەلەرزەکەى هەینى رابردووەوە.

 

بەوتەى پەیامنێرى فرانس پرێس، منداڵەکە دواى دەرهێنانى لە بەتانیەک پێچراوە لەناو کۆمەڵێک خەڵکى زۆردا کە بەشێکیان دەستیان بە گریان کردووە، بەشێکى تریشیان تەکبیریان وتووەتەوە.

 

منداڵەکە دواى دەرهێنانى راستەوخۆ داواى ئاوى کردووە.

 

بەپێی ئامارەکان، بومەلەرزەکە کە گوڕەکەى حەوت پلە بووە بە پێوەرى رێختەر، بووەتە هۆى برینداربوونى 102 کەس و برینداربوونى 994 کەسى دیکە.