گه‌ڕان

Shadow Shadow
سیاسه‌تی

ڤیدیۆکە ببینە

پۆلیسی هەولێر لەبارەى ڤیدیۆیەکی هونەرمەند دینا ڕونکردنەوە دەدات

2020.11.02 - 21:10
App store icon Play store icon Play store icon
پۆلیسی هەولێر لەبارەى ڤیدیۆیەکی هونەرمەند دینا ڕونکردنەوە دەدات

ناس کورد-

هاتوچۆى هەولێر رایگەیاند، سکاڵا لەسەر کچە گۆرانیبێژ دینا تۆماردەکەن بەهۆى بڵاوکردنەوەى ڤیدیۆیەکى پۆلیسەوە.

کەناڵی ناس کورد لە تێلیگرام جۆین بکە   

 

هاتوچۆى هەولێر لە رونکردنەوەیەکدا کە وێنەیەکى دەست ناس کورد کەوتووە  رایگەیاند ( 2ی تشرینی دوووەمی 2020)، "دینا تانە و تەشەر لەپۆلیسی هاتووچۆ دەدات و دەڵێت ئەوە ئوتومبێلی پۆلیسی هاتوچۆیە و دەمامکی نەبەستاوە و خەڵکیش سزا دەدات لەسەر نەبەستنی دەمامک".

 

ئاماژەى بەوەشکردووە "وەلەبەدواداچونی ئێمە دەرکەوت کە پۆلیسەکەی هاتووچۆ بەتەنیابووە و کەسی لەگەڵ نەبووە کەبەپێی بڕیارى وەزارەتی ناوخۆ تەنها لەو حاڵەتەی کەشوفێر سەرنشینی لەگەل بێت دەبێت دەمامک ببەستێت".

 

لە ڤیدیۆکەدا کە ناس کورد دیویەتى ( 2ی تشرینی دوووەمی 2020) دەردەکەوێت، ئەو کچە هونەرمەندە بە ئۆتۆمبیل بە تەنیشت ئۆتۆمبیلێکى هاتوچۆى هەولێردا تێدەپەرێت و بە ڤیدیۆ تۆمارى دەکات کە پۆلیسەکانى ناو ئۆتۆمبیلەکە دەمامکیان نەپۆشیوە.  

  

بەپێى بڕیارى وەزارەتى ناوخۆ، سزاى نەپۆشینى دەمامک بۆ هەر کەسێک 20 هەزار دینارە و بۆ شۆفێرانیش 50 هەزار دینارە.