گه‌ڕان

Shadow Shadow
سیاسه‌تی

کێ براوە دەبێت؟

لە یەکێتییەوە بۆ پارتى و پەکەکە: شەڕ لەئان و ساتدایە

2020.11.02 - 20:00
App store icon Play store icon Play store icon
لە یەکێتییەوە بۆ پارتى و پەکەکە: شەڕ لەئان و ساتدایە

ناس کورد-

ئەندامێکى سەرکردایەتى یەکێتى رایگەیاند، شەڕى نێوان پەکەکە و پارتى بڕیارى لێدراوە، بەڵام کەسیان لەو شەڕەدا براوە نابن.

کەناڵی ناس کورد لە تێلیگرام جۆین بکە   

 

ئارێز عەبدوڵا لە لاپەڕەى خۆى لە فەیسبوک کە ناس کورد دیویەتى رایگەیاند ( 2ی تشرینی دووەمی 2020)، "ديسان بۆنی شەڕێکی کورد- کورد دێ، ئاماژەکان پێمان دەلێن هەڵگيرسانی شەڕ لە ئان و ساتە و بڕياری لێدراوە".

 

وتیشى "نە پارتی و نە پەکەکە لەو شەڕە براوە نابن و هيچ لايەکيان سەرناکەون، بۆيە هێشتا کارلەکار نەترازاوە و دەکرێ رێگری لێ بکرێ".

 

ئارێز عەبدوڵا دەڵێت، لە سەر هەردوولايان پێويستە دانبەخۆياندا بگرن و راستەوخۆ و ناراستەوخۆ رێگای ديالۆگ بگرنە بەر. "هێشتا دەرفەت ماوە دڵی داگيرکەران و ناحەزان بەرژانی خوێنی رۆڵەکانمان خۆش نەبێ".

 

لەدوای جوڵاندنی هێز و هەڕەشە، پەکەکە و پارتی کەوتوونەتە وەڵام و وەڵامکاری، ئەمڕۆ مەسعود بارزانی لە پەیامێکدا وەڵامی پەکەکەى دایەوە و ڕایگەیاند، لەسەرەتاوە هەموو هاوکارییەکی پەکەکەیان کردووە، بەڵام ئەوان هەڵوێستێكی ناجوامێرانەیان نواند.  

  

مەسعود بارزانی، سەرۆکى پارتی دیموکراتی کوردستان لە پەیامەکەیدا دەڵێت، "مێژوو شاهیدی ئەوەمان بۆ دەدات و شانازی دەکەین کە شەڕی کورد و کوردمان حەرام کردووە، بەڵام نابێت ئەم هەڵوێستەمان بە هەڵە لێک بدرێتەوە و ئیستغلال بكرێت بۆ ئەوەی تەحەدای دەستەڵاتی یاسایی هەرێمی کوردستان بکرێت و هەوڵی سەپاندنی ئیرادەیەكی چەكدارانەی نایاسایی بە سەر خەلکی کوردستان بدرێت."  

  

میدیای فەرمی پەکەکەش دەقی پەیامەکەى بڵاوکردووەتەوە، بەڵام شیکردنەوەی بۆ کردووە و دەڵێت، "دوای بانگەوازی پەکەکە بۆ گفتوگۆ و ڕێگرتن لە شەڕ، مەسعود بارزانی وەڵامی دایەوە، بەڵام بەهیچ جۆرێک باسی لە گفتوگۆ نەکرد."  

  

"بەڵامەکەی" میدیای پەکەکە ئاماژەیە بۆئەوەى پەیامەکەى بارزانی دۆخەکەی بەرەو هێوربوونەوە نەبردووە، "چونکە هیچ باسێکی گفتوگۆی تێدا نییە".  

 

پەیامی بارزانی لە وەڵامی موراد قەرەیلان، ئەندامی کۆنسەی بەڕێوبەریی پەکەکە بوو "لەبارەی جوڵەی هێزەکانی پارتی لە گارێ" و داوای بۆچوونی ناوبراوی کرد لەسەر شەڕی براکوژی و ئامادەیی پەکەکەشی بۆ گفتوگۆ نیشاندا.  

  

پەیوەندییەکانى پارتى و پەکەکە کە هەردووکیان لەمانگى ئابدا دامەزراون (پەکەکە 15ى ئابی 1984، پارتى 16ى ئابی 1946)، بەدرێژایی نزیکەى چوار دەیەى ڕابردوو هەڵکشان و داکشانى زۆرى بەخۆوە بینیوە تا گەیشتووەتە شەڕى ناوخۆى نێوانیان.  

  

مێژووى سەرهەڵدانى پەیوەندى نێوان ئەو دوو پارتە دەگەرێتەوە بۆ هەشتاکانەى سەدەى ڕابردوو، کە رێککەوتنى هەردوولاى لێکەوتەوە، بەڵام لەساڵى 1985 دواى ئۆپراسیۆنێکى سەربازى تورکیا دژى پەکەکە، رێککەوتنەکە کۆتایی پێهات و گرژى نێوان هەردوو حزبەکە دەستیپێکردەوە و کە تا سەرەتاى نەوەدەکان بەردەوام بوو، هەندێکجار پێکدادانى چەکدارى لەنێوانیان روویدەدا.  

  

ساڵێک دواتر و لەساڵى 1991 دواى دەستپێکردنى ئۆپراسیۆنێکى سەربازى تورکیا، شەڕێکى فراوان کە چەندین ساڵى خایاند لەنێوان هەردوولا هەڵگیرسا تا ساڵى 1997 کە رێککەوتن لەسەر کۆتایی هێنان بەشەڕ.  

  

گرژییەکانى پەکەکە و پارتى لەدواى هێرشەکانى داعش لەساڵى 2014 و کۆتایی هاتن بەو شەڕە، پێینایە قۆناغێکى نوێوە و پەڕیەوە بۆ رۆژئاواى کوردستان دواى ئەو ئەزمونە خۆبەرێوەبەرییەى لەناوچە کوردییەکان دروستببوو، کە پارتى بە دەسەڵاتى پەکەکە ناویدەبات و پشتیوانى لەچەند حزبێک دەکات لەو بەشەى کوردستان کە لەگەڵ دەسەڵاتى خۆبەرێوەبەرى دان بەیەکتردا نانێن.  

  

هەروەها لەبەشێک لەو ناوچانەى لەداعش پاککرانەوە، بەتایبەتى لە سنورى شنگال چەند جارێک گرژى و ئالۆزى لەنێوان پارتى و پەکەکە روویداوە تا ئاستى پێکدادانى چەکدارى.