گه‌ڕان

Shadow Shadow
سیاسه‌تی

ڕاگەیەنراوێک لە خوێندنی باڵاوە

وەزارەتی خوێندنی باڵای هەرێم یاسای بنەماکانی یەکسانکردنی بڕوانامەکان ڕەتدەکاتەوە

2020.11.02 - 14:15
App store icon Play store icon Play store icon
وەزارەتی خوێندنی باڵای هەرێم یاسای بنەماکانی یەکسانکردنی بڕوانامەکان ڕەتدەکاتەوە

ناس کورد-

وەزارەتی خوێندنی باڵای هەرێم یاسای بنەماکانی یەکسانکردنی بڕوانامەکان ڕەتدەکاتەوە کە لە پەرلەمانی عێراق دەنگی لەسەردرا و داوا لە سەرۆک کۆماری عێراق دەکات یاساکە پەسەند نەکات.

کەناڵی ناس کورد لە تێلیگرام جۆین بکە   

 

لەڕاگەیەندراوێکدا وەزارەتی خوێندنی باڵا و توێژینەوەی زانستیی هەرێمی کوردستان (دووشەممە 2ی تشرینی دووەمی 2020) ڕایگەیاند: "دوابەدوای هەڵسەنگاندنی هەمەلایەنەی (یاسای بنەماکانی یەکسانکردنی بڕوانامەکان) کە لە ٢٨/١٠/٢٠٢٠ لەلایەن ئەنجومەنی نوێنەرانی عراق دەنگی لەسەر درا، وەزارەتی خوێندنی باڵاو توێژینەوەی زانستی حکومەتی هەرێمی کوردستان ناوەرۆکی ئەو یاسایە ڕەتدەکاتەوەو پشتیوانی لە هەڵوێستی وەزارەتی خوێندنی باڵای حکومەتی فیدراڵ و کۆمەڵگەی ئەکادیمی عیراق و کوردستان دەکات."

 

ئاماژەی بەوەشكردووە: " ئەوەش بەهۆی ئەوەی ناوەرۆکی ئەو یاسایە پێچەوانەی بەهاو بنەما زانستییە ڕەسەنەکانی یەکسانکردنی ئەو بڕوانامانەیە کە لەدەرەوەی وڵات بەدەست دەهێنرێن، لەو یاسایەدا کۆمەڵێک پێوەری زانستی گرنگ لە پرۆسەی یەکسانکردنی بڕوانامەکان فەرامۆش کراوە، کە زیانی گەورە بە ئاست و ناو و ناوبانگی پرۆسەی خوێندنی باڵاو بەهاو پیرۆزییەکانی بڕوانامەی زانستی دەگەیەنێت و پێچەوانەی بنەماکانی دادپەروەری کۆمەڵایەتییە، سەرباری ئەمانەش یاساکە بەبێ ڕەچاوکردنی ڕاو و تێبینیەکانی لایەنە پەیوەندیدارەکان تێپەڕێنراوە."

 

جەختیشکراوەتەوە: بەناوی وەزارەتی خویندنی باڵا و توێژینەوەی زانستی حکومەتی هەرێمی کوردستان داوا لە بەڕێز فەخامەتی سەرۆک کۆماری عیراقی فیدراڵ دەکەین کە ئەم یاسایە بەم فۆرمەی ئێستا پەسەند نەکات".

بەپێی شارەزایان ئەو یاسایە كەلێن و كەموكورتی زۆری تیایە كە ئاسانكاری دەكات بۆ راستاندنی بڕوانامەی بەدەستهاتوو لە دەرەوەی وڵات، هەروەها خاوەن پلەی تایبەت و پەرلەمانتار دەبەخشێت لە مەرجی تەمەن و رێگەش بە وەزارەتەكانیتر دەدات نازناوی زانستی ببەخشن دوور لە خوێندنی باڵا.