گه‌ڕان

Shadow Shadow
سیاسه‌تی

چەندین دزییان کردووە

باندە سێ کەسییەکەى چەمچەماڵ دەستگیرکران

2020.11.01 - 18:54
App store icon Play store icon Play store icon
باندە سێ کەسییەکەى چەمچەماڵ دەستگیرکران

ناس کورد- هەڤاڵ غالب
پۆلیسی چەمچەماڵ باندێکی دزیکردنی سێ کەسی دەستگیرکرد و کە چەندین سکاڵایان لەسەرە.

کەناڵی ناس کورد لە تێلیگرام جۆین بکە   

 

ڕەمک ڕەمەران، سەرۆکی لیژنەی ئەمنی و قائیمقامی چەمچەماڵ بە ناس کوردی (1ی تشرینی دووەمی 2020) ڕایگەیاند، "ئەو باندە لە سێ کەس پێکهاتوون کە دوانیان دانیشتوی ناحیەی شۆڕش و کەسێکیان خەڵکی دوزخورماتوە، تەمەنیان (21 و 21 و 22) ساڵە و دانیان بەتاوانەکەیاندا ناوە و ماتۆڕسکیلیان دزیوە".

 

سەرۆکی لیژنەی ئەمنی قەزاکە ئاماژەی بەوەشکرد، ئەو کەسانە چەند سکاڵایەکی تریان لەسەرە و لە ئێستادا پەڕاوی لێکۆڵینەوەیان لە بنکەی پۆلیسی چەمچەماڵ بۆ کراوەتەوە.


ڕەمک ڕەمەزان وێڕای دەستخۆشی بۆ هێزە ئەمنیەکان ئاشکراشی کرد، هەفتەی ڕابردووش هێزەکانی ئاسایشی ڕۆژئاوا لە چەمچەماڵ پێنج کەسی تریان بەتۆمەتی تەقەکردنی هەڕەمەکی و شێواندنی ئاسایشی شار دەستگیرکردووە و "هێزە ئەمنیەکان لە دەستگیرکردنی تۆمەتباراندا چاوپۆشی لە هیچ کەسێک ناکەن، بۆیە داوا لەهاوڵاتیان دەکات زیاتر هاوکاری دەزگا ئەمنیەکانبن بە پێدانی زانیاری لەکاتی هەر دیاردەیەکی دزیوەدا."