گه‌ڕان

Shadow Shadow
سیاسه‌تی

’’بیکەیسییان پێ بووە’’

زانیارى لەسەر ئەو باندەى بە ئۆتۆمبیلى پێشمەرگە هەڵیانکوتایە سەر خەڵک

2020.11.01 - 16:43
App store icon Play store icon Play store icon
زانیارى لەسەر ئەو باندەى بە ئۆتۆمبیلى پێشمەرگە هەڵیانکوتایە سەر خەڵک

ناس کورد-

پۆلیسى سلێمانى ڕایگەیاند، دۆسیەى ئەو باندەى نزیکەى دوو مانگ لەمەوبەر دەستگیرکران بەتۆمەتى هەڵکوتانە سەر خەڵک، ڕەوانەى ئاسایش کراون.

کەناڵی ناس کورد لە تێلیگرام جۆین بکە   

 

نزیکەى دوو مانگ لەمەوبەر پۆلیسى سلێمانى دەستگیرکردنى باندێکى راگەیاند، کە بە ئۆتۆمبێلى وەزارەتى پیشمەرگە باج و سەرانەیان لەخەڵک وەرگرتووە.

 

سەرکەوت ئەحمەد، وتەبێژى پۆلیس لە کۆنگرەیەکى ڕۆژنامەنوسیدا ڕایگەیاند (1ى تشرینى دووەمی 2020)، دۆسیەى ئەو باندە ڕەوانەى ئاسایش کراوە و هیچ پەیوەندییەکى بە پۆلیسەوە نەماوە.

 

ڕۆژی 4ی ئەیلولی 2020، پۆلیسی سلێمانی لە کۆنفرانسێکی ڕۆژنامەوانیدا ڕایگەیاند، ئەو باندە لە ڕوبەڕوبوونەوەیەک لەگەڵ پۆلیسدا دەستگیرکراون، چەندین جۆر چەکیان پێوە بووە، لەوانەیە یەک بیکەیسی، چوار کڵانشیکۆف و پێنج دەمانجە و چەند کەلوپەلێکی سەربازی.  

  

بەوتەى پۆلیس، باندەکە هەروەها چوار ئۆتۆمبێلیان پێبووە کە دوانیان تابلۆی وەزارەتی پێشمەرگەی پێوەبووە بەڵام "لەوانەیە ساختە بن تابلۆکانیان".  

  

ئاماژەى بەوەشکردبوو، هیچ کەسێک لە ڕوبەڕوبوونەوەکەدا بریندار نەبووە، سەرجەم ئەو کەسانە دەستگیرکراون و لە ژێر لێکۆڵینەوەدان، "دواتر زانیاری لەبارەى ناسنامە و کارەکانیان بڵاودەکەینەوە."