گه‌ڕان

Shadow Shadow
سیاسه‌تی

 لێدوانی نوێی وه‌زیری ته‌ندروستی عێراق له‌باره‌ی ڤاكسینی كۆرۆناوه‌ 

2020.11.01 - 12:39
App store icon Play store icon Play store icon
 لێدوانی نوێی وه‌زیری ته‌ندروستی عێراق له‌باره‌ی ڤاكسینی كۆرۆناوه‌ 

ناس کورد-

وەزیری تەندروستیی عێراق ڕایگەیاند، حکومەت پاڵپشتی تەواوی کەرتی تەندروستی  کردووە و لەئێستادا هەموو چارەسەرەکانی کۆرۆنا لە نەخۆشخانەکاندا فەراهەم کراون، ئاماژەی بەوەشکرد، بەهۆی دۆخی سەختی ئابوری وڵاتەوە ڕێگە دراوە بە هاووڵاتیان کاری ڕۆژانەی خۆیان ئەنجام بدەن بەڕەچاوکردنی ڕێکارەکانی بەرگرتن لە نەخۆشییەکە.

 

کەناڵی ناس کورد لە تێلیگرام جۆین بکە   

حەسەن تەمیمی، وەزیری تەندروستی عێراق لە لێدوانێکیدا بۆ ئاژانسی هەواڵی فەرمی عێراق کە ناس کورد بە دواداچوونی بۆ کردووە ڕایگه‌یاند(1ی تشرینی دووەمی 2020)، :"حکومەت پاڵپشتی تەواوی کەرتی تەندروستی  کردووە و لە ئێستادا هەموو چارەسەرەکانی کۆرۆنا لە نەخۆشخانەکاندا فەراهەم کراوە سەربارەی کەمبوونەوەی داهات بەهۆی دابەزینی نرخی نەوتەوە".

 

ئاماژەی بەوەشکرد :"بەهۆی دۆخی سەختی ئابوری وڵاتەوە ڕێگە دراوە بە هاووڵاتیان کاری ڕۆژانەی خۆیان ئەنجام بدەن بە ڕەچاوکردنی ڕێکارەکانی بەرگرتن لە نەخۆشییەکە، بەگوێرەی ئەو زانیاریانەی کەلامان بەردەستە لە ئێستادا مۆڵەکان، شوێنە گشتییەکان پابەندی ڕێکارەکانی خۆپارێزی نین". 

 

وەزیری تەندروستیی عێراق جەختیلەوەشکردەوە :"وەزارەتی تەندروستی پابەندە بە دابینکردنی چارەسەری کۆرۆنا بەخۆڕایی بۆهەموو هاووڵاتیان تەنانەت ئەو هاووڵاتیانەشی کە پشکنینیان بۆ ڤایرۆسەکە کردووە لە نۆرینگە تایبەتییەکان".