نهێنیى تەمەن درێژى و لەشساغى ژاپۆنيەكان دۆزرايەوە

ناس کورد-

كاتێك بەدواى تەندروستيەكى باش و خاوكردنەوەى پرۆسەى پيربوون دەگەڕێين پێويستە سەيرى وڵاتانى تر بكەين، هەر وڵاتە و سيستم و ژيانێكى تايبەتى تێدايە و تەمەنى مرۆڤەكان تێيدا جياوازن، يەكێك لەوانەش وڵاتى ژاپۆنە كە زانايان هۆكارى لەشساخى و تەمەن درێژى دانيشتووانى ئەو وڵاتەيان دۆزيوەتەوە.

 

کەناڵی ناس کورد لە تێلیگرام جۆین بکە   

ڕێكخراوى تەندروستیى جيهانى WHO، (شەممە 31ى تشرينى يەكەمى 2020) بڵاويكردووەتەوە، هاووڵاتيانى ژاپۆن تەمەنێكى درێژيان هەيە، ئەوەش بەهۆى سيستمى خواردن و خواردنەوەيان، چاى "تاچا"ى سەوز خوارنەوە سەرسوڕهێنەر و نهێنيەكەى خەڵكى ئەو وڵاتەيە.

ڕونيشكراوەتەوە، ئەو چايە هاوكارە لە خاوكردنەوەى پيربون و پاراستنى مرۆڤ لە چەندين جۆر نەخۆشى  و چالاكى جەستە بە شێوەيەكى باڵا دەپارێزێت و هاوكارە لە تەمەن درێژى (تەمەنى جەستە).

 

بەپێى ڕاپۆرتێكى ڕێكخراوەكە، ئەو چایە ڕێژەيەكى بەرز ڤيتامين و كانزاى تێدايە لەوانەش ڤيتامينەكانى A و B و C، هەروەها ڕيشاڵ خۆراكى وەك "زينك، پۆتاسيۆم، كاليسيۆم، سۆديۆم و ئاسن"ى تێدايە وهەموو ئەو مادانەش بەوە ناسراون كە هاوكارن لە تەمەن درێژى.

 

سودەكانى ئەو جۆرە چایە:

- ڕێگەگرتن لە چەندين جۆرى شێرپەنجە

- دابەزاندنى ئاستى كۆليستۆرۆڵى خراپ

- ڕێگەگرتن لە جەڵتەى دڵ

- دابەزاندنى پەستانى خوێن

- ڕێكخستنى پرۆسەى هەرس

- بەهێزكردنى سيستمى بەرگرى

- دابينكردنى وزە بۆ جەستە

- دابەزاندنى ئاستى شەكر لە خوێندا

- پێچەوانەكردنەوى كاريگەريەكانى نەخۆشى شەكرە