گه‌ڕان

Shadow Shadow
سیاسه‌تی

مالكى: ئيسرائيل دەسڕدرێتەوە و هەموو ئەوەى بنيادى دەنێت دەگەڕێتەوە بۆ موسوڵمانان

2020.10.31 - 22:39
App store icon Play store icon Play store icon
مالكى: ئيسرائيل دەسڕدرێتەوە و هەموو ئەوەى بنيادى دەنێت دەگەڕێتەوە بۆ موسوڵمانان

ناس کورد-

سەرۆكى ئيئتلافى دەوڵەتى ياسا دەڵێت، ئيسرائيل دەسڕدرێتەوە و هەموو ئەوەى بنيادى ناوە بۆ موسوڵمانان دەبێت، پێشى وايە هەوڵى ئاساييكردنەوەى پەيوەنديەكانى دەدات لەگەڵ وڵاتە شيعيەكاندا.

کەناڵی ناس کورد لە تێلیگرام جۆین بکە   

 

نورى مالكى، سەرۆكى ئيئتلافى دەوڵەتى ياسا لە وتەيەكدا لەيادى دامەزراندنى حزبى دەعوە و يادى لەدايكبونى پێغەمبەرى ئيسلامى "محەمەد" دروى خواى لەسەر بێت (31ى تشرينى يەكەمى 2020) وتى: "ڕێكخراوە دەرەكيەكان چاودێرى بارودۆخى عێراق دەكەن و گرەو لەسەر تێكچون و ڕوخانى دەكەن، پێويستە ڕێگە نەدرێت كۆمەڵگە ببێتە نێچيرى هەواڵكرى دەوڵەتان كە دەيانەوێت عێراق لەناوبەرن، ئايا وەستانى ژيان و لەكارخستنى دەوام لە عێراق شارستانييە؟." 



مالكى ئەوەشى ڕونكردووەتەوە، دووبارە هەواڵگرى خۆرئاوا كۆمەڵگەی بڕيوە، مالكى ڕودەكاتە سەركردەى وڵاتە عەرەبى و ئيسلاميەكان و دەڵێت: "ئيسرائيل هەوڵى بە كۆيلەكردنى گەلان دەدات".

 

سەرۆكى ئيئتلافى دەوڵەتى ياسا هەندێك لە دەوڵەتانى عەرەبيش بەوە تۆمەتبار دەكات كە پەنايان بۆ ئاساييكردنەوەى پەيوەنديەكان بردووە لەگەڵ ئيسرائيل بۆ پاراستنى پۆستەكانيان، پێشى وايە: "ئيسرائيل دەسڕدرێتەوە و هەموو ئەوەى بنيادى دەنێت دەگەڕێتەوە بۆ موسوڵمانان"، پێشى وايە "گرەو لەسەر ئاساييكردنەوەى پەيوەنديەكان لەگەڵ دەوڵەتە شيعيەكان دەكەن، بەڵام ئەوەيان دەستناكەوێت".